2 Fun 7:7 - Fanawbuid tagsibaliwas Fakayabian

⁷ Nu katanya, gina gakayabiun kafag ngay tafawayan nalagyu ay naubun at ngay bale ramit, at ngay kabayu, ay at ngay asnu, ay naubun yangay at fagmafulan laman gfalangfe at ngay sadili.

2 Fun 7:7 ပူးပေါင်းရင်းမြစ်များ

1 Fun 10:29

Ay ginanya tagsiginans talun Igiptu fag faguyudan nu kabayad, unumk sandank lifung salapi, ay galay sik kabayu sadik sandan limak safuluk lifung salapi. Ay ngay taw Igiptu nafalo yangay kafag ngay faguyudan, ay fag ngay kabayu sa sangay taw Ket ay sa ngay taw Aram at ngay fun.

1 Fun 20:20

Galay at sadi nafabul at fawayan. Ay Aram at ngay tagfawayan nalagyu ay ngay taw Israel nafafalo. Ay Ben-Adad, Sirya at fun, ay tiba tagalo anya nalagyu, gsakayan sit mesa kabayu.

Ub 18:11

Ay si wat ligung fagayu at malimu, ay nusnga nday nu glao, kata nu e gfafalo anya.

Alubad. 33:17

Ngay kabayu bunwa fagsegan famababo sas awayan, ay at ngay fagmabitsugun wa mafalangfe anya fagayu.

Alubad. 68:12

“Ngay talun at ngay fun anggan at ngay mesa tagfawayan nalagyu.” Ay ngay taw Israel at ngay mangena gafudan wan at ngay nafawayan at ramraman at kinfamato.

Fangatulun 21:1

Sik funan at amatanganan kata sik liskung Yawi at fagfafamiluganun nusnga nday at fakaylatun.

Fangatulun 28:1

Sik taw mauri glagyu way deyud e gfafalo anya, dewa katanya, at matuyan fag taw maseganama tua kata sik liun.

Fangatulun 6:5

yakmay o yud kataip ya sanya fag bedan, kata sik manuk tungud at nalfas ay sik arasyo at nalagyu siginan at ngay nanggamat anya.

Isayas 2:20

Ginanya ban fag buknga, kanya fagayu gukas wan at ngay fagsegan at mawatan sanbung salapi ay gintu. Ay kanya ban fagayu gfamato wan at ngay fagsegan sa sangay but ay sa sangay alebung.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

Tagfangguna 7:21

Galay at sadi malindug sit day fawayan at fagmafulan, ay at ngay fawayan gfanguroan glagyu.

1 Samwel 14:15

Nu katanya, ngay taw Filistia tagsis fagmafulan, ay tagsis gamasun, ay anggan ngay tagfawayan maksvn nu kalimu. Ay ginanya nauig ay ankugat yay nu kalimu.