2 Fun 23:3 - Fanawbuid tagsibaliwas Fakayabian

³ Ay sanya ginan, Usyas nananmalindug sas day turuk ay nafaksvn kafag nasadian sis Yawi at daga salubangan te, kanya ban gfaning tua gugat Yawi, siginan nu gfafasludan at ngay suguan, at ngay faugali, ay at ngay fagaloan sas fagdaul at amatanganan ay at basad taw. Ay kanya nafatuyanan te, namafasludan ban Yawi at nasadian at marirukan sanya fag fafil. Ay sanya ginan fagayu taw nafatuyanan te, namaning ban kafag nasadian.

2 Fun 23:3 ပူးပေါင်းရင်းမြစ်များ

2 Fun 11:14

Ay kanya nalag at bagu fag fun malindug sis day turuk, kata at ugali nu gfoyung sa sik fun. Ay sis fun at day tigyangan, ngay fun tagfawayan ay ngay tagfawang budyung, ay fagayu taw tagsanya guseganan. Ay Atalya nu nalag takatanya fagayu, kanya nagirat at lanbung at kaksvnan nu kauri, ay nauro te, “Ngay takamabo am! Ngay takamabo am!”

2 Fun 11:17

Sanya ginan, Euyada nawat sik nasadian sas Yawi ay sa sangay taw ay sat fun te, kanya ban fagayu Yawi at ngay taw. Euyada nawat yangay sik nasadian laman sas fun ay sat ngay taw.

2 Krunika 15:15

Ngay taw Uda guseganan aroro kanya fagayu nafatuyanan sas fagdaul at amatanganan. Ay kanya fagayu nadarangin sas Yawi sas fagdaul at amatanganan, ay kanya fagayu nalag at fagmatuyanun. Ay Yawi nafae fagmanabayanun anya fagayu nusnga nday.

2 Krunika 23:13

Ay kanya nalag at bagu fag fun malindug munakbang sis turuk sis Yawi at bale at sakbawan. Ay sis fun at day tigyangan, ngay fun tagfawayan ay ngay tagfawang budyung, ay fagayu taw tagsanya guseganan. Ay tagsaful galubad gfangguna laman gfauseganan Dius, ay gfawang ngay fagfawangun. Ay Atalya nu nalag takatanya fagayu, kanya nagirat at lanbung at kaksvnan nu kauri, ay nauro te, “Ngay takamabo am! Ngay takamabo am!”

2 Krunika 23:16

Sanya ginan, Euyada nawat sik nasadian sas Yawi ay sa sangay taw ay sat fun te, kanya ban fagayu Yawi at ngay taw.

2 Krunika 29:10

Dewa katanya, katsi kaylat au nangawat sik nasadian sas Yawi, ngay taw Israel at Dius, laman kanya gfalyam wan nu kadotama antam.

Esra 10:3

Nu katanya, katsi, gfatuyanan ami te, gfaning tua ban ami am ngay foyungan sa emi, ay gfaning yangay ban mi ngay tagfaning tam Dius at ngay suguan. Nangawat ami sik nasadian sa tam Dius te, gaiyan wami em ngay mangena tagsiginan tibak gaban taw anggan at ngay sisian. Ay namaning ban mi tam Dius at Faugali.

Nemyas 10:1

Taguna at nariruk at ngayan, Nemyas sik afud talun at tagfangguna, Kakalya at baguama, ay Sedekya.

Nemyas 5:13

Ay nafagfag au ku lanbung sa ku fagwan ay nalong au te, “Katatuy yangay ban nangus Dius at fakamulun sa ay bale ay sa ay ngay ramraman nu dway am nafafasludan ay ngay fatuyanan. Dius ban nangus gbul tuy fagayu siginan ayu.” Ay sanya fag ngay taw nabalus te, “Anud,” ay kanya fagayu nafauseganan Yawi. Ay kafag ngay tagfangguna ay ngay fun sirut nafafasludan at fatuyanan.

Nemyas 9:38

“Nu katanya, ami fag ngay taw Udyu, nawat ami sik nasadian. Ay em ngay tagfangguna, anggan ngay tagfon fanggalangun, ay ngay taw Lebi, nafadiuganan.”

Nu Galin 24:3

Muisis nu nafoyung wan sa sangay taw Yawi at foyungan ay fagayu at ngay suguan, ngay taw gasfuan gbalus te, “Gfaning ban mi Yawi at ngay suguan fagayu.”

Takamoyung 8:2

Faningi tua fun at faugali aroro nafatuyanan o sas Dius te, gfakamulun tua ban o takatanya.

Eremyas 34:15

Naubun am ay ngay asalanan ay nafakamulun am at matuyan sa ku daga salubangan. Fagayu am naylat am gfalfas ay ngay fagsuguan fag ngay taw Udyu. Ay nawat am ay nasadian sa angku sabaliwa takatatuy si ku bale nu inda at fagnamauseganan angku.

Eremyas 34:8

Yawi e nalong yay fia sas Eremyas gina fun Sedekya nawat sik nasadian sa sangay taw Erusalem sabaliwa nu gfalfas ngay fagsuguan.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Deuterunumyu 10:12

Ngay taw Israel, katsi ay Dius Yawi get sa ayu te, suyui anya ay mabanwani kata at balyawvtan, ay esugi ay fauseganani anya sas fagdaul ay amatanganan ay sas fagdaul ay fakaylatun.

Deuterunumyu 11:13

Nu katanya, nu gfaning tua ban am gugat ku ngay nafon ayu fag ngay suguan katsi te, esugi ay Dius Yawi ay fauseganani anya sas fagdaul ay amatanganan ay sas fagdaul ay fakaylatun,

Deuterunumyu 13:4

Ay Dius Yawi yakman lang ay fagfaningun ay fagsuyuun. Namafasludan am at ngay suguan ay namakamulun am laman sa anya ay banwani tua gugat si anya.

Deuterunumyu 29:1

Katatuy ngay fagaloan laman ngay taw Israel mafafaning, Yawi at nafawat sas Muisis fag nasadian sis Muab. Kanya fag nasadian saman ya Yawi at nafawat sa anya fagayu sis Kureb.

Deuterunumyu 4:45

Sanya fag foyungan, sanya wan ngay famamatang, ngay suguan ay ngay faugali, Muisis at nalong sa anya fagayu gina glao siginans talun Igiptu,

Deuterunumyu 6:1

Takatanya ay Dius Yawi at nalong sa angku fag ngay suguan, ngay foyungan, ay faugali ku fagnamoyungun sa ayu. Namaning ban am tuy sa ay fagnangagbilugun fag daga sas dife Liskung Urdan,

Deuterunumyu 6:5

Esugi ay Dius Yawi sas fagdaul ay amatanganan ay sas fagdaul ay fakaylatun ay sas fagdaul ay fagmabitsugun.

Deuterunumyu 8:19

Dewa katanya, katsi gfararang au sa ayu te, nung way ban am nalyam ay Dius Yawi ay nanangalo am ay nanamauseganan sa tibak dius matuyan wan umkamin am.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.