2 Fun 22:2 - Fanawbuid tagsibaliwas Fakayabian

² Ay Usyas matuyan at fakamulun sis Yawi at daga salubangan, kata at mangaguyang Dabid at nafakamulun, ay di gfaragang nu gfakamulun at masine.

2 Fun 22:2 ပူးပေါင်းရင်းမြစ်များ

1 Fun 11:38

Dungugani fagayu ku ngay suguan emu, ay banwani kata ku balyawvtan, ay fakamuluni at masine sa ku daga salubangan, ay faningi ku ngay suguan ay ku ngay foyungan, kata ku fagsuguan Dabid. Nu gfakamulun tua ban o takatanya, si ktua ban gugat emu ay namataglayun kban am ngay kasugfunanan nu gfunan, kata ku nafakamulun sas Dabid. Gfatigwanan kban sa emu fagdaul talun Israel.

1 Fun 15:11

Asa nafakamulun at masine sis Yawi at daga salubangan, kata at mangaguyang Dabid.

1 Fun 15:5

Yawi nafakamulun takatanya, aroro Dabid nafakamulun tua Yawi at fakaylatun fagayu, ay di nafamabo at ngay suguan kaduge gleleg, sangay at nafakamulun sas Uryas fag taw Ket.

1 Fun 3:6

Ay Sulumun nabalus te, “Nafalag o am fagmatuyanun sa ku mama Dabid, am fagsuguan, aroro kanya matuyan sa emu, ay anggan nu gbanwan matuyan yangay. Gtaglayun o am fagmasineun siginan nu gfon o anya sik baguama at nantubus anya laman sik fun.

2 Fun 12:3

Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Fun 14:3

Masine Amasya at nafakamulun sis Yawi at daga salubangan. Dewa katanya, wa nafasud at mangaguyang Dabid at nafakamulun. Abat ngate, kanya nafaning at mama Uas.

2 Fun 16:2

Akas gina gfasigad gfunan, at banwa duak safulu. Ay kanya gbanwan sis Erusalem, ay nu gfunan labi unumk banwa. Ay kanya nafakamulun at mauri sit Dius Yawi at daga salubangan, ay wa nafaning at mangaguyang Dabid at nafakamulun.

2 Fun 18:3

Esekyas nafakamulun at matuyan sis Yawi at daga salubangan, kata at mangaguyang Dabid.

2 Krunika 17:3

Ay Yawi naufud Eusafat, aroro gina taguna fag ngay banwa kanya nu gfunan, nafaning tua at mangaguyang Dabid nu mabanwan. Kanya di nananget gubuk sas Baal fag ngay fagsegan,

2 Krunika 29:2

Esekyas nafakamulun at matuyan sis Yawi at daga salubangan, kata at mangaguyang Dabid.

2 Krunika 31:20

Kata kanya fun Esekyas at nafakamulun sas fagdaul talun Uda. Kanya nafakamulun at masine ay at matuyan, ay kanya matuyan sat Dius Yawi at daga salubangan.

2 Krunika 34:1

Usyas waluk banwa gina gfasigad gfunan. Ay kanya gbanwan sis Erusalem, ay nu gfunan tuluk safulu e sadik banwa.

Fangatulun 20:11

Sik sisian kalag sit ngay fakamulun te, o matuyan ay o duan.

Fangatulun 4:27

Ugalii at matuyan, ay ayayui siginan at mauri.

Sefanias 1:1

Katatuy Yawi at longan sas Sefanyas gina Usyas, Amun at baguama, talun Uda at fun. Sefanyas, Kusi at baguama, ay Kusi, Gedalya at baguama. Ay Gedalya, Amarya at baguama, ay Amarya, Esekyas at baguama.

Deuterunumyu 5:32

Nu katanya, ngay taw Israel, faningi Yawi at suguan sa ayu. Lag gsaruy nusdi sadi at ngay suguan.

Uswe 1:7

Maksvni tua ay maseganamai. Faningi fia fagayu ku suguan ku nafon sa ku fagsuguan Muisis. Lag o kalyam, laman nusnga setaw am fagnamakamulunun gbabo tuo.