2 Fun 2:9 - Fanawbuid tagsibaliwas Fakayabian

⁹ Ay nu ndife wan, Elyas nalong sas Elisyu te, “Nu e gbul wa ro angku siginan emu, longi sa angku am fakaylatun ku fakamulun sa emu.” Elisyu nabalus te, “Kaylat au nu gfalin o sa angku duak kaksvn am fagmabalyananun.”

2 Fun 2:9 ပူးပေါင်းရင်းမြစ်များ

1 Fun 19:16

Ay rarusi yangay langis sas Yeu, Nimsi at baguama, laman fagtoglagan te, kanya wan Israel at fun, ay anggan sas Elisyu, Safat at baguama, fag taw Abel-Mekula, fantubus emu laman sik taglong.

1 Fun 3:9

Nu katanya, foni sa angku sik fagsafulun laman mafangguna au am ngay taw, ay sumaful au at matuyan ay at mauri. Sinu nunda at mananfunan am ngay taw, ay kanya fagayu ngayu mandi?”

Alubad. 72:1

Dius, foyungi sas fun nu setain at kasakan nu ginsaful, kata am fagmatuyanun,

Alubad. 72:20

Ste way tsigon Dabid, Ese at baguama, at ngay darangin.

Sakaryas 12:8

Ginanya ban fag menit, Yawi galaga ngay taw Erusalem, dewa at mamomuy umbitsug kata Dabid. Dabid at ngay kasugfunanan umke fagmabalyananun kata Dius, ay umkata Yawi at tagbarita tagfangguna anya fagayu.

Sakaryas 9:12

Am fag ngay natabanan at ke fagsegun yay kalfas, afolii wan sa ay ngay talun nu inda yud e gfauri ayu. Katsi glong au ayu te, nusnga seyu at nalyam si ayu, namafoli au duak kayu kanya.

Tap 11:17

Ay kadasug kban sanya laman namakamatoan au emu, ay namul kban siginan emu tiba ku fagmabalyananun ay namon kban sa kafag ngay tagfangguna, laman magubuk emu, ay laman bundi o sesadi tagfangguna ngay taw.

Tap 11:25

Sanya ginan, Yawi ndaga gfasfuan linyabu ay nafakamatoan Muisis. Ay kanya nabul siginans Muisis tiba at fagmabalyananun ay nafon sa kafag fituk safuluk tagfangguna. Ay kanya fagayu nu nke fagmabalyananun wan, naringang kata ngay taglong nu garingang, dewa katanya, ginanya way lang nu maringang takatanya.

Uan 16:7

Dewa katanya, gfoyung au ayu at matuyan te, ku fagloun sa tua ban ay fagmanabayanun, aroro kway ban nalao, Tagfasun ban ayu wa kadasug. Ay nu nalao kwa ban, gsugu au anya sa ayu.

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Fakamulun 8:17

Nu katanya, Pedru ay Uan nafatayuk at daluap sa kafag ngay tagafanud ay at Masine fag Falad antayuk sa anya fagayu.

1 Kurintu 12:31

Dewa katanya, ugatani laman mabul tuam tiba tungud fag ngay famonun. Ay katsi namoyung au sa ayu tagtungud sas fagayu nu masine.

Deuterunumyu 21:17

Masine kanya fag mangama nu gtuyan fia te, kanya tua taguna at baguama, dewa yud at fakesugun fag mangena at baguama. Foni sanya fag baguama at afud fag ramraman duak kayu sa tiba at sisian at afud ramraman, aroro kanya tua taguna at baguama. Nu katanya, kanya e fagmabalyananun gbul at afud fag ramraman laman sa sik kaka.

Deuterunumyu 34:9

Ay at Falad nafon sas Uswe, Nun at baguama, sik fagsafulun, aroro Muisis nafili Uswe laman fantubus anya siginan nu gfoli at daluap sa anya. Nu katanya, ngay taw Israel gfaning tua Uswe ay gfakamulun tua Yawi at ngay suguan at nalong sas Muisis.

1 Timuteu 5:17

Foni fia at kasakan sa sangay tagfangguna ngay tagafanud, kaugat wan sat maseganama nu gfoyung ay gfasaful Dius at Longan.