2 Fun 2:4 - Fanawbuid tagsibaliwas Fakayabian

⁴ Sanya ginan, Elyas nalong sas Elisyu te, “Ste yap o, aroro Yawi nasugu angku sas Eriku.” Elisyu gbalus te, “Gfatuyanan au sa emu ay sas Yawi, tagleleg fag Dius te, kwa gubun emu.” Nu katanya, kanya fag dua nadgaloan sas Eriku.

2 Fun 2:4 ပူးပေါင်းရင်းမြစ်များ

1 Fun 16:34

Gina Akab gfunan, Kiel fag taw Betel nadog yay nafawat furuan Eriku. Ay nu ntabu gfawat furuan at fagtungkudan, Abiram, at baguama at tiba kaka anbul. Ay gina nafawat furuan at ngay faningding sakbawan, Segub, at fuyu anbul yangay. Nu katanya, anfasludan Yawi at longan siginans Uswe, Nun at baguama.

2 Fun 2:2

Elyas nalong sas Elisyu te, “Ste yap o, aroro Yawi nasugu angku sas Betel.” Dewa katanya, Elisyu nalong te, “Gfatuyanan au sa emu ay sas Yawi, tagleleg fag Dius te, kwa gubun emu.” Nu katanya, kanya fag dua nadgaloan sas Betel.

2 Fun 4:30

Ay kanya fag mangena nalong sas Elisyu te, “Gfatuyanan au sa emu ay sas Yawi, tagleleg fag Dius te, kwa ro guli nu dway o galo angku.” Nu katanya, Elisyu nanangalo anya.

Lukas 19:1

Isus andasug sas Eriku aroro sanya at dalan sas Erusalem.

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Fakamulun 2:42

Ay kanya fagayu gfataglayun tua nu gdungugan Isus at ngay nasugu at foyungan, ay gfataglayun yangay nu nangaful, ay nu kon tam Fun at Yafun, ay anggan nu gdarangin.

Uswe 6:1

Ay ginanya, ngay taw tagbanwan sis Eriku nadingding maksvn sakbawan furuan aroro kalimu ngay taw Israel. Nusnga sinu fag taw we masakbo, ay wa yangay e maduksun siginans furuan.

Uswe 6:26

Ginanya, Uswe nafararang sa sangay taw Israel te, “Yawi ban gfaurianan nusnga sinu at nadog nafalindug furuan Eriku. Nusnga sinu at nanangawat fagtungkudan turuk ay sakbawan Yawi gfabul wan kafag taw at sisian taguna.”

Rut 1:16

Ay Rut nabalus te, “Lag o gfabulun te, gsaruayan wata, aroro nu inda ban o, sanya kyangay ban, ay nu inda ban am fagbanwanan, gbanwan kyangay sanya, ay am ngay kaiban, ku ngay kaiban yangay, ay am Dius, kanya yangay ban ku Dius.

1 Samwel 1:26

Ay Ana nalong sas Eli te, “Nu namatang di o, au wan ebi fag mangena at malindug ste tagdarangin sas Yawi.