2 Fun 2:3 - Fanawbuid tagsibaliwas Fakayabian

³ E sik gaban taglong sis Betel at nasas Elisyu ay ginto te, “O nasaful wo te, katsi ro fag menit Yawi gbul wan am takamoyung?” Elisyu gbalus te, “Sabv, saful kwan. Lag glong ya.”

2 Fun 2:3 ပူးပေါင်းရင်းမြစ်များ

1 Fun 18:4

Gina Esebel gfabul Yawi at ngay taglong, Ubadyas nafasuksuan sadik sandank taglong sis duak luib, limak safulu galay sik luib, ay nafon sa anya fagayu fakonun ay fanginum.

1 Fun 20:35

E sik taw kataip sas Dius at ngay taglong, ay Yawi nasugu anya laman glong sat usama te, “Agvd, basingi wa angku.” Ay at fadgaloan wa kaylat gbasing anya.

2 Fun 2:15

Tagsiginans Eriku fag ngay taglong nu nalag, nalong te, “Elyas at fagmabalyananun siwas Elisyu.” Nu katanya, kanya fagayu nafablang Elisyu ay natudan laman gfababaun sa anya.

2 Fun 2:5

E sik gaban taglong sis Eriku at nasas Elisyu ay ginto te, “O nasaful wo te, katsi ro fag menit Yawi gbul wan am takamoyung?” Elisyu nabalus te, “Sabv saful kwan. Lag glong ya.”

2 Fun 2:7

Sanya e limak safuluk taglong malindug sis fagunan, ay kanya fagayu gsalubang sas Elyas ay Elisyu at fakaragangan sis Liskung Urdan.

2 Fun 4:1

E sik fagbubayun, ebi ataw at mangama sik taglong. Sik menit kanya naet sas Elisyu sik fanggubukun. Nalong te, “Ku mangama, ebi am fagsuguan at sadi, anbul wan, ay nasaful wo te, kanya nafaning tua Yawi. Katsi at fagbedanan fag taw andasug laman namul ku sisian fag duak mangama laman nanfagsuguan tuga famayad at mama at bedan.”

2 Fun 4:38

Gina Elisyu kafoli sas talun Gilgal, sanya fag talun anke fanlunus maksvn. Sik menit, kaduge ngay taglong maful gkamatoan, Elisyu nalong sat fagsuguan te, “Salei tagbia fag tikung ay fatamai sik fakonun ke sabo laman sa kafag ngay taglong.”

2 Fun 5:22

Gekasi nabalus te, “Duan. Ku tagfayafun nasugu angku laman nanlong sa emu te, e duak taglong mabaguama andasug tagsiginans Efraim at fagagbilugun fag ngay buksul. Foni anya tuluk safulu e limak fabudbungguan salapi, ay duak lanbung.”

2 Fun 6:1

Sik menit, ngay taglong ankakbang sas Elisyu, ay glong te, “Nalag wo, tam fagmafulan gugat fag bale alay yay.

2 Fun 9:1

Elisyu nafauro sik taglong siginan ngay taglong at fagmafulan ay nalong anya te, “Falganani, bubai sik fagsuadan langis, ay loi sas Ramut-Gilyad.

Isayas 8:18

Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Amus 7:14

Ay Amus nabalus Amasya te, “Ebi bunkya sik taglong ay sik fagsuguan, sik tagalaga kyay ngay tupa ay ngay fun kayu sikumuru.

Fakamulun 22:3

“Sik taw Udyu au, ay ansalug au sis Tarsu, sis talun Silisya, ay an-gurang stes Erusalem. Nu gadal au ste yangay, ay ku takamoyung Gamaliel. Kanya nafoyung sa angku Faugali tam ngay mangaguyang at nafaning yangay. Ay gfaning kyangay ayu at maseganama gfakamulun sa tam Dius.

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

1 Samwel 10:5

Ay nu ndasug ro am sas Dius at nafili fag buksul, si sangay taw Filistia at fagtungkudan, sik ngay taglong ro gfablang ayu gtagbung siginans bale fagnansegan si tangabat fag buknga, ay kanya ro fagayu gfawang fagfawangun ke ngay bakyang, fagfadkalinganun, tulali, ay gfoyung Dius at longan.

1 Samwel 19:20

Nu katanya, kanya nasugu at ngay fagsuguan laman nanggamat Dabid. Ay at ngay fagsuguan nu ndasug sas Rama, nalag Samwel nu gfangguna ngay taglong laman gfoyung Dius at longan. Sanya ginan, Dius at Falad antayuk sa kafag ngay fagsuguan ay nafoyung yangay Dius at longan.