2 Fun 18:4 - Fanawbuid tagsibaliwas Fakayabian

⁴ Ay kanya naiklas ngay bale fagnansegan sa tangabat fag ngay buknga, ay narufa ngay tagfamatang fag gang, ay narasras ngay turuk fagtoglagan Asera fag fagsegan. Ay kanya narufa yangay ule at mawatan tansu Muisis at nawat, aroro ngay taw Israel gseg wan kafag ule, siginan nu girug ngay famaebebanglu. Nafangayan kafag ule te, Nekustan.

2 Fun 18:4 ပူးပေါင်းရင်းမြစ်များ

1 Fun 22:43

Eusafat nafaning tua at mama Asa at ugali ay matuyan at nafakamulun. Nafakamulun at masine sis Yawi at daga salubangan. Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Fun 10:26

Ay kanya fagayu nabul sanya ginan famamatang fag gang ay nabuba sas day bale fagnansegan ay nairug,

2 Fun 11:18

Ay fagayu taw nalao sas Baal at bale ay naiklas. Ay kanya fagayu narufa at ngay fagirugan fanggalangun ay anggan tagsanya fag ngay fagsegan, ay nafabul Matan, Baal at tagfon fanggalangun, sis salubangan fagirugan. Sanya ginan, Euyada nafae ngay tagulit Yawi at bale.

2 Fun 12:3

Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Fun 14:4

Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Fun 15:35

Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune. Ay Utam wan at nafawat sakbawan tagsibaliwas alvngvdan Yawi at bale.

2 Fun 15:4

Dewa katanya, kanya wa naiklas ngay bale fagnansegan si tangabat fag buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Fun 16:15

Ay Akas nasugu sas Uryas fag tagfon fanggalangun te, “Siginan katsi, sai wa at bagu fag fagirugan nu girug am ay fagirugun fag ngay fanggalangun sis balabag ay ay gutluan fag fanggalangun ay fagirugun sad yabi. Ay irugi yangay ngay fanginum fag fanggalangun. Kanya fag ngay fanggalangun siginans fun ay siginans fagayu taw. Ay ramsigi sas fagirugan tagsiginans fagirugun fag ngay fanggalangun fag taguk. Ay nu nandarangin au sas day fagirugan mawatan tansu.”

2 Fun 18:22

Nute glong o te, ‘Gafanud ami sa em Dius Yawi,’ O nunda bunwa o Esekyas at nasugu te, ‘Rasrasi wan ngay bale fakafulan sa tangabat fag ngay buknga anggan tagsanya fag ngay fagirugan fanggalangun?’ Ay nalong yay o sas fagayu tagbanwan sis furuan Erusalem ay anggan sa sangay furuan sas Uda te, ‘Nu gseg am, sa yakman Erusalem fag fagirugan.’

2 Fun 21:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena, kata Akab, Israel at fun, at nawat. Ay kanya naseg fagayu nusnge wain tagsis banwa.

2 Fun 23:14

Usyas nasugu laman grufa ngay famamatang fag gang ay gfuan ngay turuk fagtoglagan Asera fag fagsegan. Sanya ginan, kanya nafasuya sanya fag daga siginan nu gfarapyag ngay taw at bini.

2 Fun 23:4

Ay sanya ginan, fun Usyas nasugu Kilkya fag fun tagfon fanggalangun, fagayu tagsit daga vtv fag ngay tagfon fanggalangun ay ngay tagulit Yawi at bale at ngay sakbawan, laman namaduksun siginans Yawi at bale, ngay fagagbilugun gina gseg Baal ay Asera, ay fagayu tagdamlag sis banwa. Fun Usyas nasugu anya fagayu laman nangirug kafag ngay fagagbilugun sas day furuan Erusalem, sas Liskung Kidrun, ay kanya fagayu nabuba at nagdafugan sas Betel.

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

2 Krunika 33:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena. Ay kanya naseg fagayu nusnge wain tagsis banwa.

Alubad. 78:58

Kanya fagayu nawat ngay fagsegan sa sangay fagnansegan; siginan takatanya, nafauri Dius.

Nu Galin 23:24

Lag ban am nanseg ay namaning at ngay fagsegan kata kafag ngay taw at fakamulun. Falyami at ngay fagsegan ay rufai tagfamatang fag ngay gang.

Nu Galin 34:13

Abat ngate, nanrasras yakman am at ngay fagirugan ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan.

Isayas 36:7

Nute glong o te, ‘Gafanud ami sa em Dius Yawi.’ O nunda bunwa o Esekyas at nasugu te, ‘Rasrasi wan ngay bale fakafulan sa tangabat fag ngay buknga anggan tagsanya fag ngay fagirugan fanggalangun’? Ay nalong yay o sas fagayu tagbanwan sis furuan Erusalem ay anggan sa sangay furuan sas Uda te, ‘Nu gseg am sa yakman Erusalem fag fagirugan.’

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Deuterunumyu 5:5

Ginanya malindug au sis wabilug ayu ay Yawi, laman glong au sa ayu Yawi at longan, aroro kalimu wayam afuy ay wam kaylat gundaud sas buksul. Yawi nalong te,

Deuterunumyu 7:5

Abat ngate, nanrasras yakman am at ngay fagirugan, ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan, ay nangirug am at ngay fagsegan.

Tagfangguna 6:25

Ginanya yangay fag yabi, Yawi nalong sas Gidyun te, “Namul o am mama at baka at mataglu yangay tagfituk banwa. Sanya ginan, nanrufa o at nawat fag fagirugan laman sas Baal, ay fuani yangay kafag turuk fagtoglagan Asera fag fagsegan tagsis day fagirugan.

Tagfangguna 6:28

Balabag di, ngay taw nalag Baal at fagirugan nu marufan, ay Asera at turuk nu magatvngan, ay kanya wan at famaygang sat fanggalangun fag baka sa at bagu fag fagirugan.