2 Fun 16:4 - Fanawbuid tagsibaliwas Fakayabian

⁴ Kanya gfon gugat at ngay fanggalangun, ay girug gugat ngay famaebebanglu fag lune sa sangay fagnansegan tagsi tangabat fag ngay buknga, si sangay tungud buksul ay si sangay fun kayu at marabung at lanbung.

2 Fun 16:4 ပူးပေါင်းရင်းမြစ်များ

1 Fun 14:23

Kanya fagayu nawat fagnansegan si tangabat fag ngay buknga ay si sangay fun kayu at marabung at lanbung, ay nawat ngay turuk fagtoglagan Asera fag fagsegan.

2 Fun 12:4

Uas nalong sa sangay tagfon fanggalangun te, “Fafuli ngay taw at fanggalangun fag ngay salapi at nabuba sas Yawi at bale. Kafag ngay salapi at nafaful siginan sa ngay taw at famayad gina gtap anya fagayu, ay at famayad laman sat fatuyanan, ay at ngay fanggalangun.

2 Fun 14:4

Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

Alubad. 78:58

Kanya fagayu nawat ngay fagsegan sa sangay fagnansegan; siginan takatanya, nafauri Dius.

Isayas 65:4

Ay galay yabi kanya fagayu malunggung sa sangay fagfolian, ay sat masuksuk fag ngay buknga laman namakamatoan ngay labang. Ay kanya fagayu kon bumbu at yamas ay tiba yak yamas at natuyan te, masuya.

Isayas 66:17

Yawi nalong te, “Gasfuan ban nu kabul ngay taw takamuag te, di e malong, ay tagfasine at ngay sadili siginan nu gseg at ngay fagsegan sat ngay fagtanuman. Kanya ban fagayu kabul gina kon bumbu at yamas, ay but, ay tiba yak mangilafang at natuyan te, masuya.

Eremyas 17:2

Ay anggan ay ngay sisian nanseg yangay say ngay fagirugan ay sa sangay turuk fagtoglagan Asera fag fagsegan tagsi sangay fun kayu at marabung, ay tagsi sangay tungud buksul.

Esekyel 43:7

Glong sa angku te, “Taw at baguama, ste ku faglunggungan ay ku fagfatungkudan ku darafa. Namanwan kban ste magamut ngay taw Israel kabavn. Kanya ban fag ngay taw anggan at ngay fun wa namauri ya ku ngayan, siginan nu gseg tibak fagsegan, ay sat nawat fag ngay aninu famamatang at ngay fun at kinbul.

Esekyel 6:13

Ay gina ban at ngay kaiban at mabulan magamut sit ngay fagsegan, sit day fagirugan at ligung, ay si sangay buksul, ay si sangay tungud buksul, ay si sangay fun kayu tagbia, ay si sangay fun kayu at marabung at lanbung, ay fagayu kayu ensina at marabung, sat fagnangirugan gugat at ngay fagirugun at mabebanglu fag lune laman sat ngay fagsegan, sumaful te, au wan Yawi.

Deuterunumyu 12:2

Ay gina ban am naiyan ngay taw tagbanwan sanya, iklasi ban at ngay fagnansegan si sangay tungud buksul ay si sangay buksul ayu sirut ay si sangay fun kayu at marabung at lanbung.