2 Fun 14:3 - Fanawbuid tagsibaliwas Fakayabian

³ Masine Amasya at nafakamulun sis Yawi at daga salubangan. Dewa katanya, wa nafasud at mangaguyang Dabid at nafakamulun. Abat ngate, kanya nafaning at mama Uas.

2 Fun 14:3 ပူးပေါင်းရင်းမြစ်များ

1 Fun 11:4

Sulumun nu mafufuama wan, at ngay mangena nataban anya laman nanseg tibak fagsegan, ay kanya wa nakata at mama Dabid at matuyan tua sat Dius Yawi, sas fagdaul at amatanganan.

1 Fun 15:11

Asa nafakamulun at masine sis Yawi at daga salubangan, kata at mangaguyang Dabid.

1 Fun 15:3

Abya nafakamulun kata at mama at nafakamulun fag ngay asalanan. Ay wa namatuyan sas Yawi, ay kanya wa nafaning at mangaguyang Dabid.

1 Fun 3:3

Sulumun nafalag sas Yawi te, kesug anya, siginan nu gfaning at mama Dabid at ngay foyungan. Ay dewa katanya, nafon at ngay fanggalangun ay nanangirug yay ngay famaebebanglu fag lune sa sangay fagnansegan sa tangabat fag ngay buknga.

2 Fun 12:2

Kaduge kanya gleleg, matuyan at nafakamulun sis Yawi at daga salubangan, aroro Euyada fag tagfon fanggalangun nafoyung anya.

2 Fun 14:2

Amasya duak safulu e limak banwa gina gfasigad gfunan. Ay kanya gbanwan sis Erusalem, ay nu gfunan duak safulu e siamk banwa. At mina Yuadin, sik taw Erusalem.

2 Fun 14:4

Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Fun 18:3

Esekyas nafakamulun at matuyan sis Yawi at daga salubangan, kata at mangaguyang Dabid.

2 Fun 22:2

Ay Usyas matuyan at fakamulun sis Yawi at daga salubangan, kata at mangaguyang Dabid at nafakamulun, ay di gfaragang nu gfakamulun at masine.

2 Krunika 24:17

Dewa katanya, Euyada nu nbul wan, talun Uda at ngay tagfangguna nalao sas fun Uas. Ay kanya fagayu narungan sit daga salubangan ay naet sa anya te, “Dungugani emi.”

2 Krunika 24:2

Kaduge Euyada fag taglong gleleg, matuyan tua Uas at nafakamulun sis Yawi at daga salubangan.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

1 Pedru 1:18

Nasaful wam at nafalangfe ayu siginan at yud e tungkul fag ugali, tagsiginan ay ngay mangaguyang. At nafalangfe ayu bunwa takarasras ay takamin, kata sanbung salapi ay gintu,