2 Fun 13:4 - Fanawbuid tagsibaliwas Fakayabian

⁴ Yuakas nadarangin sas Yawi, ay nadungug tua anya, aroro Yawi nalag at kaksvnan Aram at fun nu gfaidapan Israel.

2 Fun 13:4 ပူးပေါင်းရင်းမြစ်များ

Fakasigadan 21:17

Ay Dius nadungug kafag sisian nu gwayway. Nu katanya, Dius at tagbarita nalong sas Agar te, “Nataw tagfaidapan am amatanganan? Lag o kalimu; Dius nadungug am munama nu gwayway.

Fakasigadan 31:42

Ku mama Isak ay ku fufuama Abrayam at Dius yaman galo angku, malgau ro naiyan wo angku kwe famubaun nusnga setaw. Dewa katanya, Dius nalag tua nu gidapan au gfakamulun, kanya wan at fagnafararangun sa emu sad yabi.”

2 Fun 13:22

Kasael, Aram at fun, nafaidapan taw Israel kaduge Yuakas gfunan.

2 Fun 13:23

Dewa katanya, Yawi kafanyu tua gugat ay gamatang anya fagayu aroro sat fatuyanan sas Abrayam, Isak, ay Akub. Nu katanya, dasug katsi, Israel di nkamin ay di naiyanan.

2 Fun 14:26

Yawi kaylat nu nfasludan takatanya aroro nalag taw Israel nu gidapan ay nu yud e ggubuk ya.

2 Krunika 33:19

Ay marirukan si sangay taglong at fagrirukan, Manase at darangin, ay Yawi at famalus anya, ay fagayu at asalanan ay nu kamabo Yawi. Ay marirukan yangay sanya nu inda nu kawat ngay fagnansegan, ngay turuk fagtoglagan Asera fag fagsegan, ay tiba yak fagsegan, gina kanya yud nafamababaun sas Dius.

Esra 8:23

Nu katanya, wami gfangon ay gdarangin ami sas Dius te, ‘Dirii emi,’ ay Dius nabalus tua em darangin.

Ub 22:27

Darangini sa anya ay kanya dumungug emu, ay fafasludani tua am ngay fatuyanan sa anya.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 78:34

Ay Dius gina nafabul tibak taw Israel, at sawad ankakbang tua sa anya, ay kanya fagayu nafamababaun nadarangin, ay naubun at ngay fagmauriun.

Nu Galin 3:7

Ay Yawi glong yay fia te, “Nalag au ku ngay taw nu gidapan sis talun Igiptu. Nadungug kyangay nu gurungan get gubuk aroro maksvn at fun at ngay fagsuguan nu gfaidapan, ay anfanyu au anya fagayu.

Nu Galin 3:9

Nadungug au ngay taw Israel nu get gubuk, ay nalag au ngay taw Igiptu nu gfaidapan anya fagayu.

Isayas 26:16

Yawi, nafaurianan o am ngay taw, ay gina gaidapan, nanangakbang tua sa emu ay nadarangin tua.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Eremyas 2:27

Ay glong am te, ‘Em mama sik kayu ay em mina sik gang.’ Natalyuyan am angku, dewa katanya, sayay ngap gugat angku nu nangakbang am.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Tap 21:7

Ngay taw nalo sas Muisis ay nalong te, “Nasalan ami gina ami gfayud Yawi ay emu. Darangini emi sas Yawi, ay fayayui siginan emi tuy fag ngay ule.” Nu katanya, Muisis nadarangin laman sa sangay taw.

Tagfangguna 10:10

Nu katanya, ngay taw Israel naet gubuk sas Yawi ay nalong te, “Yawi, nafamabo ami emu, o em Dius, ay naseg ami Baal fag ngay fagsegan.”