2 Fun 11:4 - Fanawbuid tagsibaliwas Fakayabian

⁴ Ay sis fafituk banwa, Euyada fag tagfon fanggalangun nafauro ngay tagfangguna ngayuk sandank tagfawayan ay ngay tagulit fun at bale, laman maful sas Yawi at bale. Kanya nawat at nasadian sa anya fagayu ay nafafatuyanan sa anya fagayu gina sis Yawi at bale. Sanya ginan, nafalag fun at baguama sa anya fagayu.

2 Fun 11:4 ပူးပေါင်းရင်းမြစ်များ

Fakasigadan 50:25

Sanya ginan, Use nalong sa sangay taw Israel te, “Fatuyanani sa angku te, Dius ban nu gfaduksun wan ayu ste ginan fag daga, bubai ku ngay bini.”

2 Samwel 20:23

Uab wan tagfangguna Israel at ngay tagfawayan fagayu. Ay Benaya, Euyada at baguama, kanya wan tagfangguna ngay taw Keret ay ngay taw Pelet tagulit fun.

2 Samwel 8:18

Ay Benaya, Euyada at baguama, tagfangguna ngay taw Keret ay ngay taw Pelet. Ay Dabid nafili at ngay baguama laman at tagfalu longan.

1 Fun 14:27

Dewa katanya, fun Reubuam nafawat yay ngay famalabag at mawatan siginans tansu, laman fantubus at nabulan fag ngay famalabag, ay nafaalaga sa sangay fun ayu sirut tagulit fun at sakbawan bale.

1 Fun 18:10

Gfatuyanan au sas Yawi, am tagleleg fag Dius te, ku tagfayafun nasugu wan sas fagayu talun ay fagfagtainanan laman nanrvbvy emu. Ay fagayu talun ay fagfagtainanan nu dway nalag, Akab gfabulun sa anya fagayu te, fatuyanani sa anya te, we lagan emu.

2 Fun 11:17

Sanya ginan, Euyada nawat sik nasadian sas Yawi ay sa sangay taw ay sat fun te, kanya ban fagayu Yawi at ngay taw. Euyada nawat yangay sik nasadian laman sas fun ay sat ngay taw.

2 Fun 11:19

Ay kanya nataban ngay fun tagfawayan, ay fun at ngay tagulit ay ngay tagulit fun at bale, ay fagayu taw, ay kanya fagayu nataban at fun sat bale siginans Yawi at bale. Kanya fagayu nadalan sa sangay tagulit at sakbawan. Sanya ginan, at fun namalunggung sat faglunggungan,

2 Fun 11:3

Kaduge unumk banwa, Uas ay anggan at fangkamato gsuksuan sis Yawi at bale gina Atalya gfangguna sanya fag talun.

2 Fun 11:9

Kafag ngay fun tagfawayan nafakamulun kata Euyada fag tagfon fanggalangun at suguan. Kanya fagayu nafaful at ngay tagfawayan tagulit gina Famiangalay fag Menit, ay anggan at yud gulit ginanya fag menit, ay kanya fagayu ankakbang sas Euyada.

2 Fun 12:7

Nu katanya, fun Uas nafauro Euyada ay tiba yak tagfon fanggalangun ay nainto te, “Wain ay fagyudun nafafasine Yawi at bale? Siginan katsi lag am gbul salapi laman say sadili fakaylatun, nu bunway famasine tua nangus Yawi at bale.”

2 Fun 23:3

Ay sanya ginan, Usyas nananmalindug sas day turuk ay nafaksvn kafag nasadian sis Yawi at daga salubangan te, kanya ban gfaning tua gugat Yawi, siginan nu gfafasludan at ngay suguan, at ngay faugali, ay at ngay fagaloan sas fagdaul at amatanganan ay at basad taw. Ay kanya nafatuyanan te, namafasludan ban Yawi at nasadian at marirukan sanya fag fafil. Ay sanya ginan fagayu taw nafatuyanan te, namaning ban kafag nasadian.

1 Krunika 9:13

Ay fagayu tagfon fanggalangun at kinfoli siginan at fagatabananan sadik libu fituk sandan unumk safulu. Kanya fagayu saful gfangguna at ngay talanan. Ay kanya fagayu fagfatigwanan tagfakamulun sis Dius at bale.

2 Krunika 15:12

Ay kanya fagayu nawat at nasadian, laman nandarangin sas Yawi, sat ngay mangaguyang at Dius, sas fagdaul at amatanganan ay sas fagdaul at basad taw.

2 Krunika 29:10

Dewa katanya, katsi kaylat au nangawat sik nasadian sas Yawi, ngay taw Israel at Dius, laman kanya gfalyam wan nu kadotama antam.

Nemyas 10:29

nafatuyanan gasfuan em ngay tagfangguna te, namaning ban mi Dius at Faugali at nafon sat fagsuguan Muisis. Nafatuyanan yangay ami te, nu dway ban mi nafafaning Yawi em Fun at ngay suguan ay at ngay faugali ay at ngay foyungan, kaylat wami Dius at faurianan sa emi.

Nemyas 5:12

Kanya fagayu nabalus te, “Kin, namafoli wami sa anya kanya fagayu. Ay wa ban mi get ya at ngay famayad. Ay namaning ban mi am ngay longan.” Sanya ginan, nafauro au ngay tagfon fanggalangun, ay sit daga salubangan nafafatuyanan au sa sangay tagfangguna ay sa sangay fun sirut laman namafasludan at fatuyanan.

Nemyas 9:38

“Nu katanya, ami fag ngay taw Udyu, nawat ami sik nasadian. Ay em ngay tagfangguna, anggan ngay tagfon fanggalangun, ay ngay taw Lebi, nafadiuganan.”

Fakamulun 5:24

Ngay tagulit at fun sis Dius at bale ay ngay fun tagfon fanggalangun nu nadungug kafag barita, andulo maksvn ay namatangan te, tain ban at kumfasludan sas fagunan.

Fakamulun 5:26

Ngay tagulit at fun ay at fagfanggunaun fag ngay tagulit, nalo sas Dius at bale, ay gdog nataban Isus at ngay nasugu, dewa katanya wa nafalimuanan nu ggamat aroro kalimu te, ngay taw mafana anya gang.

Uswe 24:25

Ginanya fag menit, Uswe nawat sik nasadian sa sangay taw gina sis Sekem, ay nafon sanya fagayu at nasadian ay at ngay faugali.

1 Samwel 18:3

Yunatan nafatuyanan sas Dabid te, kaduge ban gleleg ggadgalangan ban gugat, aroro kanya kesug Dabid kata nu kesug at sadili.

1 Samwel 23:18

Ay duama nu nsadi wan sis Yawi at daga salubangan, Dabid nabanwan yay sis Kures, ay Yunatan noli wan sat fagbanwanan.