2 Fun 1:4 - Fanawbuid tagsibaliwas Fakayabian

⁴ Nu katanya, nanlong am sas Aasya te, katatuy Yawi at longan sa anya: ‘Wa ban o kalunggung ya siginan am fagtiugan. Matuyan, kabul ban o!’ ” Ay Elyas nalao wan.

2 Fun 1:4 ပူးပေါင်းရင်းမြစ်များ

Fakasigadan 2:17

dewa katanya, lag kon rawvg siginan sik fun kayu tagfon fagsafulun sabaliwa at masine ay at mauri. Aroro nu naon way ro wo, matuyan umbul o.”

Fakasigadan 3:4

Ay ule nalong sas mangena te, “Wa mafanud Dius at longan te, kabul ro am!

1 Fun 14:12

“Nu katanya, falganani ay ulii wan sam bale. Gina ro wo gsakbo sas furuan, am munama umbul wan.

1 Fun 18:2

Ay Elyas nanamablang Akab. Ginanya maksvn at fanlunus sis Samarya,

2 Fun 1:16

Ay Elyas nu ndasug sas fun, nalong te, “Katatuy Yawi at longan te, ‘Wain am fagnasuguun ngay tagfosuk longan laman nangakbang sas Baal-Sebub, furuan Ekrun at fagsegan? O nunda we Dius sis Israel, laman am fagnangakbangan? Aroro sa am nafakamulun takatanya, wa ban o kalunggung ya siginan am fagtiugan. Kabul ban o!’ ”

2 Fun 1:5

Ay kafag ngay tagfosuk longan nu nfoli sat fun, fun nainto sa anya fagayu te, “Wain ay faginfoliun wan?”

2 Fun 1:6

Ay kanya fagayu nabalus te, “Sik taw nafablang emi, ay nalong emi te, ‘Afolii wan sa ay fun ay nanlong am sa anya Yawi at longan te, Wain yay am fagnasuguun sik ngay taw laman nangakbang sas Baal-Sebub, furuan Ekrun at fagsegan? O nunda we Dius sis Israel? Aroro sa takatatuy, wa ban o kalunggung ya siginan am fagtiugan. Matuyan kabul ban o!’ ”

2 Fun 20:1

Ginanya, Esekyas anke fakasaitun ay arvs anbul wan. Ay Dius at taglong Isayas, Amus at baguama, nananlag anya ay nalong te, “Yawi nalong wa te, ‘Fadantei yap am ngay kalongan aroro wa kafia ya am fakasaitun ay umbul wo.’ ”

2 Fun 8:10

Ay Elisyu nabalus te, “Ulii wan ay nanlong o anya te, ‘Sabv, kafia yay ban.’ Dewa katanya, Yawi nalong sa angku te, kanya ban kabul way.”

Fangatulun 11:19

Sik taw tagfakamulun at matuyan, kadugdug yay at leleg, dewa katanya, tagfakamulun at mauri, kabul way.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Esekyel 18:4

Dungugani! Au tagagbilug fagayu tagleleg. Dewa at ngay fagtainan ay at ngay sisian. Ay fagayu taw tagasalanan umbul.

Tap 26:65

Aroro Yawi nalong ebi sa anya fagayu te, “Matuyan kanya fagayu umbul sis talun at yud e taw, ay wa ban e mlangfe nusdi sadi sas day Kaleb, Efune at baguama ay Uswe, Nun at baguama.”

1 Samwel 28:19

Balabag ban Yawi namababawan emu ay fagayu taw Israel sa ay ngay fawayan fag ngay taw Filistia, ay am ban fag talamean umgamut am sa angku sas fagfolian.”