1 Uan 5:9 - Fanawbuid tagsibaliwas Fakayabian

⁹ Gafanud tua tam sik taw nu gfatuyan, ay Dius nu gfatuyan gtungud tua sik taw nu gfatuyan. Ay Dius tua at nafatuyan sabaliwa at Baguama.

1 Uan 5:9 ပူးပေါင်းရင်းမြစ်များ

Mateu 17:5

Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”

Uan 10:38

Ay nu gfakamulun ktua katanya, afanudi tua siginan ku ngay nafakamulun, deyud am kaylat gafanud sa angku. Nu katanya tua, sumaful am te, ku Mama si wa angku, ay au si kyangay anya.”

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

Fakamulun 5:32

Gfatuyan ami te, matuyan em ngay nalag. Ay at Masine fag Falad, Dius at nafon sas fagayu tagfaning anya, gfatuyan yangay.”

Ebreu 2:4

Dius nafatuyan yangay sabaliwa kafag fakalangfean siginan at ngay fakamulun at mabalyanan ay at madulo ay siginan at Masine fag Falad at fon, at nafon sa sangay taw kata at fakaylatun.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

1 Uan 5:10

Nusnga sinu tagafanud sas Dius at Baguama, gafanud tua Dius nu gfatuyan. Dewa katanya, nusnga sinu at yud gafanud sas Dius, kanya nafangayan Dius te, sik takamuag, aroro kafag taw wa gafanud Dius nu gfatuyan sabaliwa at Baguama.

1 Uan 5:8

at Masine fag Falad, ay mamam ay taguk, ay kanya fag tulu gdiuganan.