1 Uan 4:9 - Fanawbuid tagsibaliwas Fakayabian

⁹ Katatuy Dius nu gfasure sa antam te, kesug antam: kanya nasugu at Baguama ste swa daga laman e leleg tua ban tam siginan anya.

1 Uan 4:9 ပူးပေါင်းရင်းမြစ်များ

Fakasigadan 22:2

Ay Dius nalong anya te, “Tabani am fakesugun fia am baguama Isak, ay loi sas talun Muria. Undaudi sa ku foyungan emu fag buksul, ay foni wan sa angku am baguama kata sik fagirugun fag fanggalangun.”

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Markus 12:6

Ay sa taguyan oma, e sawad yay sadi at fagnansuguun ro, kanya at fakesugun at baguama. Ay nasugu anya sat ngay tagalaga aroro gamatangan te, ‘Kanya ro fag ngay tagalaga gsuyu tua ku baguama.’

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Uan 10:10

Sik tagfangkamul at fakadasugun at algan nanfangkamul way, nanfamabul ay namamin. Ay ku fagindasugun laman ngay taw umke leleg at matuyan ay kasakan.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 3:16

Maksvn tua Dius nu kesug fagayu taw ste swa daga, at fagnafonun at mafilian fag Baguama, laman nusnga sinu tagafanud sa anya di gafaurianan nu bunway mul tua ban leleg at yud e fakatabuan kabavn.

Uan 3:18

Nusnga sinu tagafanud sa anya di ban gafaurianan, dewa katanya, nu dway gafanud, gafaurianan ban, aroro kanya wa gafanud sas Dius mafilian fag Baguama.

Uan 5:23

laman fagayu taw gseg angku, at Baguama, kata nu gseg ku Mama. Nusnga sinu at yud gseg angku, at Baguama, wa yangay gseg ku Mama, at nasugu angku.

Uan 6:29

Isus gbalus anya te, “Katatuy Dius at fafakamulun sa ayu, afanudi sat nasugu.”

Uan 6:51

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

Uan 6:57

Ku Mama at nasugu angku tagfon leleg, ay gleleg kyangay aroro sa anya. Ay katanya yangay ban nusnga sinu takon ku bilug e leleg tua ban aroro sa angku.

Uan 8:29

Ay at nasugu angku gufud tua angku. Kanya di gfabayan angku gsesadian, aroro kabavn gfakamulun au tagfauseganan anya.”

Uan 8:42

Ay Isus glong anya te, “Nu Dius tua fia ay Mama, kesug tuam nangus angku, aroro siginan aus Dius. Kwa ndasug nu ku sadili way lang algan, nu bunway Dius tua at nasugu angku.

Uan 9:3

Ay Isus gbalus te, “Tuy fag mangama at fagyudun glag, bunwa sia ay at ngay fagtainan at ke asalanan, nu bunway laman Dius at fagmabalyananun umsure siginan nu gfafia anya.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

Ebreu 1:5

Kabavn Dius wa batang glong sas nusnga sinu fag tagbarita te, “O wan ku Baguama, ay katsi au wan am Mama.” Ay wa yangay e longan sabaliwa sik tagbarita te, “Au waban fia at Mama, ay kanya waban fia ku Baguama.”

1 Uan 3:16

Katatuy tam fagsafulan fakesugun at masuad: Isus nafon at leleg sa antam. Ay at masine nu gfon yangay tam tam leleg sa tam ngay faduksay.

1 Uan 4:10

Bunwa itam taguna at nesug tam Dius, nu bunway Dius tua at nesug antam, siginan nu gsugu at baguama laman at fanggalangun famalyam tam asalanan.

1 Uan 4:16

Ay nasaful tua tam ay gafanud tam te, Dius kesug antam. Dius ay fakesugun sadi way. Ay nusnga sinu tagbanwan sis fakesugun, kanya gbanwan yangay sis Dius, ay Dius gbanwan si anya.

1 Uan 5:11

Katatuy Dius nu gfatuyan: Dius nafon sa antam leleg at yud e fakatabuan, ay kafag leleg siwa at Baguama.

1 Uan 5:13

Nariruk au takatanya, sa ayu fag ngay tagafanud sas Dius at Baguama, laman sumaful am fia te, e leleg tua ban am at yud e fakatabuan.