1 Uan 1:4 - Fanawbuid tagsibaliwas Fakayabian

⁴ Ay griruk ami tuy fag rirukan laman ban maksvn tua tam fagusegananun.

1 Uan 1:4 ပူးပေါင်းရင်းမြစ်များ

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Uan 15:11

“Ku fagnafoyungun ayu takatanya laman guseganan tuam kata angku, ay laman kaksvn nu guseganan am.

Uan 16:24

Dasug katsi yam e naet sa anya sa ku ngayan. Katsi eti ay mul wam fia, laman maksvn nu guseganan am.

Uan 3:29

Sa sik fainduganan, kanya wan at ke fagmasineun nangadadwa sat fabubayan. Ay nu gakadadwaun wan, at fainduganan at fagadgalangan gfanya anya, ay nu nadungug at aringang, maksvn nu guseganan. Katanya kyangay, maksvn nu guseganan au.

2 Kurintu. 1:24

Em fakaylatun wami namagtainan ayu sas fagafanudun, nu bunway ggubuk ami ayu laman guseganan tuam aroro maksvn wan ay fagafanudun.

Efesu 3:19

Ay laman sumaful am tam Fun Isus at fakesugun, dewa tam yud nasaful fagdaul at fakesugun. Nu katanya tua, umtayuk wam fia fagdaul Dius at fagmadiusun.

1 Uan 2:1

Ku ngay sisian, griruk au takatanya laman diam gasalanan. Ay sik taw nu nasalanan way, e gwabilug antam ay tam Mama. Tam Fun Isus wan tam tagwabilug; kanya matuyan.

2 Uan 1:12

Ngayu yay oma ku fagyafoyungunun sa ayu, dewa katanya, kwa kaylat ya griruk. Ku fagsegun, umdasug kyay ban sa ayu ay lumadlagan tam ay gkamatoan, laman tam fagusegananun umkaksvn.