1 Samwel 5:7 - Fanawbuid tagsibaliwas Fakayabian

⁷ Ngay taw Asdud nu nalag at kindasug nalong te, “Wa masine nu si gugat antam taw Israel at Dius at Fagsuadan Nasadian, aroro kanya gfaurianan antam gasfuan tam fagsegan Dagun.”

1 Samwel 5:7 ပူးပေါင်းရင်းမြစ်များ

2 Samwel 6:9

Ay ginanya fag menit, Dabid anlimu Yawi, ay nalong te, “Tain ro nu mafadasug au Fagsuadan Nasadian sa ku furuan?”

1 Krunika 15:13

Aroro ebi taguna bunwa am at nanamuba Fagsuadan Nasadian. Nu katanya, Yawi nafaurianan antam aroro wa tam nainto sa anya te, setain at masine nu namuba Fagsuadan Nasadian.”

Nu Galin 10:7

Ay Igiptu at fun at ngay tagfakamulun glong sa anya te, “Seduge yaban nu gfabayan o kafag taw nu gfaidapan antam? Falaoi wan ngay taw Israel laman mananseg wan sat Dius Yawi. O yo nasaful te, anrasras wan fagdaul tam talun?”

Nu Galin 12:33

Ngay taw Igiptu gfasakit nu gfalao ngay taw Israel siginan at talun, aroro gamatangan te, manbul.

Nu Galin 8:28

Ay Igiptu at fun gbalus te, “Kin, kaylat kwan nung am namon ay ngay fanggalangun sa ay Dius Yawi, sat yud e taw fag talun. Dewa katanya, lag ban am kayayu. Katsi, darangini wan angku.”

Nu Galin 8:8

Ay Igiptu at fun nafauro Muisis ay Arun, ay nalong te, “Darangini sas Yawi te, falyami wan ngay fio siginan angku ay siginan ku ngay taw, ay gfalao kban ay ngay kaiban laman kanya fagayu namon at ngay fanggalangun sas Yawi.”

Nu Galin 9:28

Namainfanyuan am nanget sas Yawi te, ‘Faragangi wan takatanya fag lingsi at maksvn ay yelu fag arak.’ Ay gfalao kwan ayu, ay wa masine ya nu gbanwan am ste.”

Eremyas 46:25

Yawi at Mabalyanan, Israel at Dius, glong yay fia te, “Namaurianan kwan Amun, furuan Tebes at fagsegan, ay tiba yak fagsegan sis talun Igiptu. Ay namaurianan kyangay ban Igiptu at fun anggan at ngay tagfangguna, ay anggan fagayu tagseg anya.

Eremyas 48:7

Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

1 Samwel 4:8

Afanyuan tam! Sinu ban at mafalangfe antam siginan kanya fag ngay fagsegan at mabalyanan? Aroro kanya yangay fag ngay fagsegan at nafabul ngay taw Igiptu siginan sa ngay faurianan sis talun at yud e taw.

1 Samwel 5:6

Yawi nafaurianan maksvn tagsis Asdud fag ngay taw ay anggan at fakbangan fag ngay furuan. Ay at faurianan sanya fag ngay taw sik ngay famaga.

1 Samwel 5:8

Nu katanya, kafag taw nafauro taw Filistia at ngay tagfangguna ay nainto te, “Tain ro tam fakamulun sas Israel at Dius at Fagsuadan Nasadian?” Ay at ngay tagfangguna gbalus te, “Bubai sas furuan Gat.” Nu katanya, kanya fag ngay taw nabuba Fagsuadan Nasadian sas Gat.

1 Samwel 6:20

Kafag ngay taw ginto te, “Sinu at masalubang Yawi, at yud e malong fag Dius? Dada ban nu gfalin tam Fagsuadan Nasadian laman wa si ya antam?”