1 Samwel 4:3 - Fanawbuid tagsibaliwas Fakayabian

³ Nu ntabu wan nu gawayan, at sawad fag ngay taw Israel anfoli wan sat fagmafulan. Ay at ngay fagtainan nainto sa anya fagayu te, “Wain Yawi at fagnafababawanun antam sa tam ngay fawayan fag ngay taw Filistia? At masine namul yap tam sas furuan Silu Fagsuadan Nasadian, laman Yawi gufud tua ay gfalangfe antam sa tam ngay fawayan.”

1 Samwel 4:3 ပူးပေါင်းရင်းမြစ်များ

2 Samwel 15:25

Sanya ginan Dabid nalong sas Saduk te, “Fafolii wan sas Erusalem Fagsuadan Nasadian. Yawi ban nu kaylat yay gfafoli angku sas Erusalem gdog kyay ban glag kanya fag Fagsuadan Nasadian ay anggan at fagfolian.

1 Krunika 17:1

Ay Dabid nu noli wan sat bale, nalong sas Natan fag taglong te, “Nu gbanwan au si tua at masine fag bale at fangawat kayu sidru, dewa katanya, Fagsuadan Yawi at Nasadian siway sik bale ramit.”

Alubad. 74:1

Em Dius, wain am fagtalyuyanun gugat emi? Ay wain am fakadotamaun am ngay taw, dewa kanya wan am ngay fagagbilugun?

Alubad. 74:11

Wain am fagyudun gfaurianan wan? Famini wan anya fagayu.

Isayas 50:1

Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Isayas 58:3

Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Isayas 59:1

Dungugani! Yawi mafalangfe tua, ay gdungug tua nu e get sa anya.

Isayas 59:2

Ay ngay asalanan wan tagfayayu ayu siginans Dius ay kanya wan at malong at faginyayuun ayu ay at fagyudun gbalus ay darangin.

Eremyas 3:16

Au, Yawi, glong au te, gina ban am ankayu sanya fag talun, wa ban am gkamatoan ya ay gamatang sabaliwas Fagsuadan Nasadian. Ay wa ban am namadog ya nangawat.

Eremyas 7:4

Lag am gafanud ngay taw at longan te, “We kadasug at malimu aroro Yawi at bale si wa antam.”

Tap 10:33

Nu katanya, kanya fagayu nalao siginans Yawi at nafili fag buksul kaduge tuluk menit. Fagsuadan Nasadian si gugat at fagunan laman gfoyung at fagfiangalayan.

Tap 10:35

Galay namuba Fagsuadan Nasadian, Muisis gdarangin sas Yawi te, “Fanggunai emi ay fasaruayani em ngay fawayan, ay kanya nangus fagayu lumagyu wan.”

Tap 31:6

Ay Muisis nasugu anya fagayu sas fagawayanan, sadik libuk taw siginans galay kasugfunanan, ay Finekas fag tagfon fanggalangun, Elyasar at baguama, nafangguna kanya fag ngay taw. Finekas nabuba ngay fagagbilugun siginans Yawi at bale ay ngay budyung laman sik famasaful.

Deuterunumyu 29:24

Sanya ginan, ngay talun at ngay taw ginto ban te, “Wain Yawi at fagnafadasugun takatanya sanya fag talun? Ay wain at fagmaksvnun nu kadotama?”

Deuterunumyu 31:26

“Buli tuy fag fafil nu inda nu marirukan Dius at Faugali, ay folii munakbang sa ay Dius Yawi at Fagsuadan Nasadian. Ay to sanya gugat kanya laman tagfatuyan sa sangay taw Israel.

2 Timuteu 3:5

ay kamaningan glong te, “Gfaning ami Dius,” dewa katanya, we kalag sit ugali ay sit fakamulun. Lag o gfaning takatanya fag ngay taw.

Ebreu 9:4

At mafasakboan sanya sik fagirugan famaebebanglu at mawatan siginans gintu, ay fagsuadan Nasadian at madafutan gintu. Ay sanya fag fagsuadan Nasadian masuadan sik gintu fag taya e bilug mana. Ay sanya yangay Arun at tulag at natandug, ay anggan fagduak dalifi fagrirukan Dius at nasadian.

Uswe 4:7

balusi ban te, ‘Liskung Urdan at mamam anragang nu gfamilugan gina Fagsuadan Nasadian gdife. Tuy fag ngay gang sik famamatang kabavn sa sangay taw Israel.’ ”

Uswe 6:6

Nu katanya, Uswe nafauro ngay tagfon fanggalangun ay nalong te, “Bubai Fagsuadan Nasadian. Am at fitu gunai ay bubai ay mesa budyung.”

Uswe 7:7

Uswe nalong te, “Yawi em Fun, wain am fagnafadifeun yay emi sis Liskung Urdan nu namababawan way ro wo emi sa sangay taw Amur? Amasine yap nu si ami gugat sdife liskung.

Uswe 7:8

Yawi, nataw ya ku fagmalongun, katsi ngay taw Israel anfoli wan aroro nababawan at ngay fawayan?

1 Pedru 3:21

Kafag mamam sik fafaskudanan way nu kasurung am, ay at nafon ayu fakalangfeun siginan tam Fun Isus at nadogan naleleg. Fakasurungun bunwa famegus tam bilug at layungun, nu bunway sik fatuyanan way sas Dius te, di tam namakamulun nusnge wain at mauri.

Udas 1:5

Ay dewa am nasaful wan takatatuy, kaylat au gfamatang sa ayu sabaliwa ngay taw Israel. Tam Dius dewa nafalangfe anya fagayu siginans talun Igiptu, kanya nafaurianan at yud gafanud sa anya.

1 Samwel 1:24

Ay kafag sisian nu nbia wan, Ana nanamuba anya sas Yawi at bale sas Silu. Ay nabuba yangay sik baka tama tagtulu at banwa, ay sik wabilug saku fangawat tinapay ay sik malangu fag mamam masuadan si sik balat fagbaugun.

1 Samwel 14:18

Nu katanya, Saul nalong sas Akya te, “Bubai stae Fagsuadan Dius at Nasadian.” (Ginanya, Fagsuadan Nasadian si ways talun Israel.)

1 Samwel 4:2

Ngay taw Filistia nafawayan ngay taw Israel ay nababo; ay ginanya ufatk libuk taw Israel at kinbul.