1 Samwel 27:8 - Fanawbuid tagsibaliwas Fakayabian

⁸ Kaduge Dabid ay at ngay tagfawayan gbanwan sanya, kanya fagayu nafawayan ngay taw Gesur, ngay taw Girsa ay ngay taw Amalek. (Siginan ngay ebi kanya fag ngay gaban taw gbanwan wa gugat sanya, siginans talun Sur sitsigons talun Igiptu.)

1 Samwel 27:8 ပူးပေါင်းရင်းမြစ်များ

Uswe 13:2

Kayu ya tuy ngay talun ay fagnangagbilugun ban: Filistia ay Gesur at ngay talun,

Uswe 13:13

Dewa katanya, ngay taw Israel wa nafaiyan ngay taw Gesur ay ngay taw Maaka, nu katanya, kanya fagayu gfagamutan yay ngay taw Israel gbanwan dasug katsi.

Tagfangguna 1:29

Ay Efraim at kasugfunanan wa yangay nafaiyan ngay taw tagbanwan sis Geser. Nu katanya, ngay taw Kanaan gfataglayun gbanwan magamut sanya.

Uswe 16:10

Kanya fagayu wa naiyan ngay taw Kanaan tagbanwan sis Geser; nu katanya dasug katsi, e ngay taw Kanaan yay tagbanwan magamut ngay taw Efraim, ay kanya fagayu ansik ngay fagsuguan.

1 Krunika 2:23

(Andasug at buknga Gesur ay Aram nagbilug Yair ay Kenat at ngay furuan, anggan yangay sit ligung fag unumk safuluk furuan.) Kanya fagayu Makir at gaban, Gilyad at mama.

2 Samwel 15:8

Ebi gina au gbanwan sis Gesur sis talun Aram, nafatuyanan au sas Yawi te, ‘Nu nafafoli tua ban o angku sas Erusalem nanseg kban emu sas Kebrun.’ ”

2 Samwel 14:32

Ay Absalum nabalus te, “Aroro wo nastie gina au gfauro emu. Aroro kaylat au nu saos fun laman nanginto te, ‘Wain at fakaylatun yay nu guli au siginans talun Gesur? Ku fakaylatun kafamato kway sanya.’ Kaylat au gyalagun tam fun. Ay kanya ro nu nalong te, e asalanan au, mafalganan kway ro dewa gfabul wan angku.”

2 Samwel 14:23

Ay Uab nalao sas Gesur laman nantaban Absalum guli sas Erusalem.

1 Samwel 30:1

Ay sis fatuluk menit, Dabid ay at ngay tagfawayan andasug sas furuan Siklag. Ay ginanya ngay taw Amalek nafawayan furuan Negeb ay Siklag, ay dayun nairug furuan Siklag,

Nu Galin 17:8

Ay ngay taw Israel gina yay sis Refidim, ngay taw Amalek namawayan.

Nu Galin 15:22

Ay Muisis natabanan ngay taw Israel siginans Dagat Maraska sas Sur fag talun at yud e taw. Tuluk menit ngay taw Israel nu glao sas talun at yud e taw ay we nalag mamam sanya.

Uswe 12:5

At fagagbilugun, Buksul Ermun, Saleka, ay fagdaul talun Basan sitsigons taw Gesur ay Maaka at fatuan talun, ay sik wabilug talun Gilyad, sitsigons fatuan Kesbun, fun Sikun at fagagbilugun.

1 Samwel 29:6

Ay Akis nauro Dabid ay nalong te, “Gfatuyanan au sas Yawi, tagleleg fag Dius te, sik matuyan tuo fag fagfatigwanan. Ay nu au di, aloi wa angku laman namawayan aroro siginan nu kadasug o stie dasug katsi, kdi e nalag am nafakamulun at mauri, ay dewa katanya, ku ngay fun tagfawayan wa kaylat gtaban emu.

2 Samwel 3:3

Ay at fadua Kilyab, at baguama sit mangena Abigail, Nabal at fagbubayun, fag taw Karmel. Ay at fatulu Absalum, at baguama sit mangena Maaka, fun Talmay at baguina tagsiginans Gesur.

2 Samwel 3:22

Uab ay at fagfanggunaun fag ngay tagfawayan andasug sas Kebrun, ay kanya fagayu ngayu at famubaun at nabul siginan at fawayan. Ay ginanya Abner nalo wan, aroro Dabid nafalao anya manabayan.

2 Samwel 8:12

Edum, Muab, Amun, Filistia ay Amalek. Ay kanya nafon yangay sas Yawi at ngay nabul siginans Adadeser, Suba at fun, Rekub at baguama.

Tap 13:29

Ngay taw Amalek gbanwan sis Negeb, ay ngay taw Ket, taw Ebus ay taw Amur gbanwan sa sangay buksul, ay ngay taw Kanaan gbanwan munakbang sis tigyangan dagat ay sis day Liskung Urdan.”

Tap 14:45

Sanya ginan, ngay taw Amalek ay ngay taw Kanaan tagbanwan sa sangay buksul, nanamawayan ngay taw Israel, ay nababo ay nafafalo anya fagayu sitsigons Kurma.