1 Samwel 22:7 - Fanawbuid tagsibaliwas Fakayabian

⁷ Ay Saul nalong sa anya fagayu te, “Ngay taw Benamin, dungugani! O Ese at baguama nafatuyanan sa ayu te, namon ayu ngay gamasun ay tanuman ubas? O ay nafatuyanan sa ayu te, gfili ban ayu laman sik ngay tagfangguna tagfawayan?

1 Samwel 22:7 ပူးပေါင်းရင်းမြစ်များ

1 Fun 12:16

Fagayu taw Israel nu nasaful te, Reubuam wa gdungugan, kanya fagayu nalong te, “Wami kataip ya sas Dabid at kasugfunanan. Wami ngap e fagmagbilugun siginans Ese at kasugfunanan. Wami kasalag ya emu, Dabid at kasugfunanan. Ngay taw Israel, guli watam.” Nu katanya, ngay taw Israel noli wan.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

2 Samwel 20:1

E sik taw mauri siginan Benamin at kasugfunanan at ngayan Syeba, Bikri at baguama. Ay kanya nafawang budyung ay sanya ginan guro te, “Ngay taw Israel, wa tam kataip sas Dabid, Ese at baguama! Fagayu tam guli watam!”

1 Samwel 25:10

Ay Nabal nabalus Dabid at ngay fagsuguan te, “Ay sinu Dabid, Ese at baguama? Katsi fag buknga ngayuk fagsuguan taglagyu at ngay tagfayafun!

1 Samwel 22:13

Saul ginto anya te, “Wain am fagnafadiugananun Dabid laman gfauri angku? Ay wain am fagnafonun sa anya fakonun ay fiso tagsumbalian at uyup ay am fagnadaranginun laman sa anya? O nunda wo nasaful te, kanya nalagyu siginan angku, ay katsi kanya gfanya angku laman namawayan?”

1 Samwel 22:9

Ay Dueg, sik taw Edum malindug yangay sanya magamut Saul at ngay tagfawayan, kanya nalong te, “Gina au sis furuan Nub, nalag au Ese at baguama, kanya nalao sas Akimelek, Akitub at baguama. Ay Akimelek nadarangin laman sas Dabid, ay nafon sa anya at ngay fagayudanun, ay nafon yangay Gulyat fag taw Filistia at fiso.”

1 Samwel 20:30

Saul maksvn nu kadotama Yunatan ay nalong te, “Sik takamabo o fag baguama! Katsi nasaful au te, gfadiuganan o Dabid. Nu katanya, nafae fakaplaun o am sadili ay am mina.

1 Samwel 20:27

Dewa katanya, balabag di, wa yangay e malunggung sis Dabid at faglunggungan. Ay Saul nainto sas Yunatan te, “Wain Dabid, Ese at baguama, at fagyudun andasug laman gfasfuan antam gfangon?”

1 Samwel 18:14

Dabid nafafasludan tua at ngay fakamulun aroro Yawi gufud tua anya.

2 Samwel 18:1

Dabid nafaful at ngay tagfawayan ay nafili ngay tagfangguna; tiba gfangguna sik libu, ay tiba sik sandan.

1 Krunika 12:16

Ay e ngay taw yangay tagsiginans Benamin ay Uda at kasugfunanan at nanantungul Dabid sat fagsuksuanan.