1 Samwel 22:2 - Fanawbuid tagsibaliwas Fakayabian

² Ay nanangalo yangay anya ngay taw at ke fakalimuun, at yud makatu ya gbayad at bedan, ay ngay tagidapan gbanwanan. Fagayu at nanangalo Dabid ufatk sandank mangama, ay Dabid nafangguna anya fagayu.

1 Samwel 22:2 ပူးပေါင်းရင်းမြစ်များ

2 Samwel 17:8

Gananad way o am mama ay anggan at ngay tagfawayan, kanya fagayu maseganama ay madot, kata sik tagfangagat fag idu tina nu e nagat way at riangan. Saman ya kanya, am mama mafananadan sa nu gfawayan, ay nu gtiug wa magamut sit ngay fagsuguan.

2 Samwel 5:2

Siginan ebi, dewa Saul em fun, o wan tagfangguna ngay taw Israel laman namawayan at ngay fawayan. Ay Yawi nalong sa emu te, ‘Nangalaga o ku ngay taw Israel, kata sik tagalaga ngay tupa. Ay o wan tagfangguna anya fagayu.’ ”

2 Fun 20:5

“Afolii sas Esekyas, ku ngay taw at fun, ay longi anya te, ‘Katatuy am mangaguyang Dabid at Dius Yawi at longan: Nadungug au am darangin ay nalag au am liasun. Nu katanya, namafia au emu. Si bans fatuluk menit, makabangkad tuo, ay malao sas Yawi at bale.

2 Fun 4:1

E sik fagbubayun, ebi ataw at mangama sik taglong. Sik menit kanya naet sas Elisyu sik fanggubukun. Nalong te, “Ku mangama, ebi am fagsuguan at sadi, anbul wan, ay nasaful wo te, kanya nafaning tua Yawi. Katsi at fagbedanan fag taw andasug laman namul ku sisian fag duak mangama laman nanfagsuguan tuga famayad at mama at bedan.”

Fangatulun 31:6

Lag o gsalag ngay taw at yud e fagsegun ya nu ginum fanlangu, laman gfalyam at ngay fagidapun.

Mateu 11:12

Ay siginan Uan Tagfasurung nu nanfamoyung dasug katsi, Dius at fagfagtainanan anke maidap siginan tagfangauri fag ngay taw tagugatan gasanyaun ay gfabulun gagoan.

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Ebreu 2:10

Dius nawat fagayu nusnge wain laman sat sadili, ay kanya anke algan gfadasug at ngay sisian sat fagmasineun. Ay naylat Isus nu kasik yud e malong fag tagfangguna siginan at naidapanan, laman gfalangfe at ngay sisian.

Tagfangguna 11:3

Nu katanya, Efta nalao wan siginan at ngay faduksay, ay nabanwan sis Tub, ay sanya sik ngay taw at yud matuyan at ngay fakamulun nanangalo anya.

Tagfangguna 18:25

Ay Dan at ngay kasugfunanan nalong te, “At masine maragangani way lang. Malgau em ngay ufud kadotama emu ay mafabul emu anggan am talnayan.”

1 Samwel 22:3

Siginans Adulam, Dabid nalao sas Mispa sis talun Muab ay nalong sas Muab at fun te, “Get au sa emu te, aylati ku ngay fagtainan nu gbanwan ste, yakmay kban nasaful Yawi at fakaylatun sa angku.”

1 Samwel 23:13

Nu katanya, Dabid ay at ngay tagfawayan fag unumk sandan nalao wan siginans furuan Keyla ay gadgalinan sa sangay talun. Ay Saul nu nasaful te, Dabid nalao wan, kanya wa nasanya ya.

1 Samwel 25:13

Ay Dabid nu nasaful nalong sat ngay tagfawayan te, “Taudani ay fiso!” Nu katanya, Dabid ay at ngay tagfawayan nataudan at mesa fiso. Ay at nanangalo Dabid ufatk sandan ay at duak sandan anfamato way laman galaga at ngay ramraman.

1 Samwel 30:6

Dabid maksvn nu gafanawa, aroro at ngay tagfawayan kadotama anya, ay e algan namana anya gang. Kanya fagayu maksvn nu kabalu aroro natabanan wan at mesa talnayan. Dewa katanya, at Dius Yawi nafabitsug at amatanganan.

1 Samwel 9:16

“Balabag ban kata katsi, gsugu kban sa emu sik taw tagsiginans Benamin. Rarusi ban sat alfuyu langis fakatoglagan te, kanya wan ku nafili at namunan ban ku ngay taw Israel. Kanya ban at namalangfe ku ngay taw siginan ngay taw Filistia, aroro nalag au ku ngay taw nu gidapan ay nadungug au nu get gubuk.”