1 Samwel 12:2 - Fanawbuid tagsibaliwas Fakayabian

² Katsi e fun wam laman at namangguna ayu. Katsi mafufuama kwan ay gubanun. Ay magamut tua ban am gugat ku ngay baguama. Ay siginan yay nu mabaguama au, nafangguna ktua ayu.

1 Samwel 12:2 ပူးပေါင်းရင်းမြစ်များ

Alubad. 71:18

Dius, dewa au mafufuama wan ay gubanun, lag gfabayan angku. Agbilugi angku laman ban mafafoyung kyay am fagmabitsugun ay am fagmabalyananun sat fadogan fag ngay sugfun.

Tap 27:17

ay kanya yangay ban tagfangguna nu namawayan, laman am ngay taw di kata at yud e galaga fag ngay tupa.”

2 Timuteu 4:6

Gakabulun kwan. Kadasug wan ku fangabulan fag menit.

Uswe 23:1

Nu nlangfe ngaduge kbuknga, Yawi nafae fagmanabayanun ngay taw Israel siginan at ngay fawayan sit ligung nu yud namawayan ya anya fagayu. Ginanya Uswe mafufuama wan.

Uswe 23:2

Nu katanya, kanya nafauro fagayu taw Israel, gasfuan at ngay fagtainan, at ngay tagwabilug ay anggan at ngay fun ayu sirut. Kanya nalong sa anya fagayu te, “Katsi mafufuama kwan.

2 Pedru 1:14

Saful kwa te, wa glugo ya nu gleleg au, gfaning tam Fun Isus at foyungan angku.

1 Samwel 2:22

Eli mafufuama wan. Kanya nadungug at ngay baguama at nafakamulun mauri sa sangay taw Israel. Ay nasaful yangay te, at baguama fagdua nafanugtug sa sangay mangena tagfakamulun sis Yawi at sakbawan bale.

1 Samwel 2:29

Wain ay fagalabianun yay ngay fanggalangun laman sa angku? Wain nu gsuyu o am ngay baguama fagtungudun tua nu gsuyu o angku? Nafabayan o am ngay baguama nu gfataglu at bilug siginan nu kon ngay fanggalangun ku ngay taw Israel at fon sa angku.

1 Samwel 3:10

Yawi ankakbang sas Samwel kata aro taw ay guro te, “Samwel! Samwel!” Ay Samwel nabalus te, “Aringangi wan, aroro au, am fagsuguan, gdungugan kwan.”

1 Samwel 3:13

Nalong kyangay sa anya te, gfaurianan kban at kalongan, aroro kanya nafabayan at ngay baguama nu gfakamulun at mauri.

1 Samwel 3:16

Ay Eli guro anya te, “Munama.” Samwel gbalus te, “Nataw?”

1 Samwel 8:1

Samwel nu mafufuama wan, nafili at baguama fagdua laman ngay taw ban Israel at tagfangguna.

1 Samwel 8:20

Laman ban kata tuami tibak talun at ke fun at nanfangguna emi gina ami namawayan.”

1 Samwel 8:3

dewa katanya, wa kata at mama. Aroro kafag dua gfangalabian salapi, ay gbul ngay taw at famayad siginan nu gfadiuganan dewa yud matuyan, ay gsaruy at matuyan.

1 Samwel 8:5

Kanya fagayu glong te, “Mafagtainan wo ay am ngay baguama wa kata ya emu at matuyan. Katsi, foni emi sik fun at nanfunan ban emi, kata tibak talun nu e fun.”