1 Samwel 11:6 - Fanawbuid tagsibaliwas Fakayabian

⁶ Ay Saul nu nadungug takatanya, Dius at Falad antayuk sa anya ay maksvn nu kadotama.

1 Samwel 11:6 ပူးပေါင်းရင်းမြစ်များ

1 Samwel 10:10

Saul ay at fagsuguan nu ndasug sas Gibya, sik ngay taglong nafablang duama. Ay Dius at Falad antayuk sa anya, ay kanya mafoyung yangay Dius at longan magamut kafag ngay taglong.

1 Samwel 16:13

Ay Samwel nabul at buba fag langis ay naugwag sas Dabid at alfuyu sit ngay faduksay at daga salubangan. Siginan ginanya fag menit, Yawi at Falad antayuk sas Dabid. Ay Samwel noli wan sas Rama.

Tagfangguna 6:34

Yawi at Falad nagubuk Gidyun, ay Gidyun nauyup at budyung laman guro Abyeser at ngay kasugfunanan laman galo anya.

Tagfangguna 14:6

Aroro Yawi at Falad nafabitsug tua anya, kanya nafabul kafag liun yud e famalang nu bunway at daluap way lang kata nu gfabul sik tumad kambing, dewa katanya, wa nafasaful sat fagtainan.

Tagfangguna 13:25

Yawi at Falad gfasigad gagbilug anya kaduge kanya sis Dan fag fagmafulan sis wabilug Sura ay Estaul fag duak furuan.

Tagfangguna 3:10

Ay siginan Yawi at Falad at gubuk, Utniel nafangguna ngay taw Israel laman namawayan. Ay Yawi nafababo Utniel sas Kusan-Risataim, Aram at fun.

Tagfangguna 11:29

Ay Yawi at Falad nagbilug Efta. Ay Efta nasas Gilyad ay sas Manase, ay nalangfe sas Mispa tagsis Gilyad, ay siginans Gilyad, kanya nataglayun sas talun Amun laman namawayan.

Efesu 4:26

Ay dewa am ankuri, lag gfadasug sas asalanan. Ay lag am gfafagngabak menit nu gfalyam am ay fakauriun.

Markus 3:5

Ay Isus nu gdama kafag ngay taw kadotama ay kabalu, aroro kanya fag ngay taw kamaogatun at amatanganan. Ay Isus nalong sat yud mafalelegan at daluap te, “Falugdei am daluap.” Ay kafag taw nafalugde, ay at daluap anfia wan.

Tap 12:3

(Muisis, nu kamababaun gtungud tua fagayu taw sas fagdaul daga.)

Nu Galin 32:19

Ay Muisis nu munakbang wan sit fagmafulan, nalag kafag fagsegan baka riangan anggan ngay taw nu gfalelegan at ngay bilug. Maksvn Muisis nu kadotama, ay naukas at ba dalifi fagdua sas day buksul ay anrufa.

Tagfangguna 15:14

Kanya fagayu nu ndasug sas Leki, ngay taw Filistia nafablang anya gudguroan. Yawi at Falad nagbilug Samsun. Ay kanya nalifung at fansiuk anya kata sik faniklis lanbung.

1 Samwel 16:14

Yawi at Falad wa gbanwan ya sis Saul. Ay Yawi nafadasug sik mauri fag falad laman namaidapan anya.

1 Samwel 10:6

Ay ginanya ro Yawi at Falad umtayuk sa emu ay mafafoyung yangay ro wo Dius at longan kata anya fagayu, ay am kayaunanan wa kata ya ebi ginan.