1 Pedru 5:4 - Fanawbuid tagsibaliwas Fakayabian

⁴ Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

1 Pedru 5:4 ပူးပေါင်းရင်းမြစ်များ

Alubad. 23:1

Yawi wan ku tagalaga, kwe fagayudanun ya nusnge wain.

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Esekyel 34:23

Ay nanfili kban tagalaga anya fagayu kata ku fagsuguan Dabid laman kanya nangalaga.

Esekyel 37:24

“ ‘Ku fagsuguan Dabid at kasugfunanan namagtainan ban anya fagayu. Sadi way ban tagalaga anya fagayu. Ay kanya ban fagayu gfaning tua ku ngay suguan ay ku ngay faugali.

Daniel 12:3

Ay ngay taw tagsaful at matuyan ay tagfoyung sa sangay taw laman nangugali at masine gdamlag kata galeme sis banwa kabavn ban.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Uan 10:11

“Au wan at matuyan fag tagalaga. At matuyan fag tagalaga gfon at leleg laman at ngay tupa e leleg tua.

1 Kurintu 9:25

At nanggudgunan maksvn nu gfananad ay nu gfaragang at sadili laman mafabul sik sangbo takarasras way. Ay dewa katanya, itam fag ngay tagafanud, tam fagnamulun fag sangbo at yud tua ban karasras kabavn.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

1 Pedru 1:4

Magbilug tam sik ramraman at yud katabu ay at yud karasras ay at yud kalyam. Kanya fag ramraman at mafalganan sa ayu si tuas banwa.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.

1 Pedru 5:2

Alagai Dius at ngay tupa tagsi ayu. Dangay am gafabulunan, nu bunway useganani tua fia sa ay amatanganan, ay bunwa te, aroro kaylat am gyabulun salapi. Katanya tua Dius at fakaylatun.

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

At Nafasure 3:11

Munakbang wan nu kadasug au. Bakvdi fia tagsi ayu fag ugali laman ban nusnga sinu fag taw we maago siginan ayu ku fagnamonun ban sa ayu fag famonun.