1 Pedru 5:3 - Fanawbuid tagsibaliwas Fakayabian

³ Lag am kata sik fun, tagfansugu sat ngay fagsuguan, abat ngate, fanggunai kanya fagayu sat masine, laman sik fagulitan tuam.

1 Pedru 5:3 ပူးပေါင်းရင်းမြစ်များ

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Alubad. 74:2

Dius, amatangi emi. Aroro ami wan ebi am nafili fag ngay taw. Ay o wan tagagbilug ay tagfalangfe emi. Amatangi yangay am fagbanwanan fag Buksul Siun.

Esekyel 34:4

Wam gfabitsug ya at ngay mamomuy, ay wam gfafia ya at ngay ke ngay fakasaitun ay wam gtustus ya at ngay tagtiklay, ay wam nanrvbvy ya at nalyam. Nu bunway gfauri wayam anya.

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Uan 13:15

Nafoyung au sa ayu sik fagfaningan, ay fakatanyai ban ay fakamulun.

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

1 Kurintu 11:11

Dewa katanya sa tam fagmasadiun sa tam Fun, mangama gayudan sik mangena, ay mangena gayudan yangay sik mangama.

1 Kurintu 3:5

Sinu nunda Apulus? Ay sinu au, Pablu? Ami, Dius waymi at fagsuguan, ay siginan emi nafanud am sa tam Fun Isus. Ay mesa ami gfakamulun tam Fun at nafatigwanan sa emi fag fakamulun.

1 Kurintu 3:9

Ami fagdua ggudgubukan ami gfakamulun, Dius at fakamulun. Ay am, Dius am at gamasun. Ay am yangay Dius at nafalindug fag bale.

2 Kurintu. 1:24

Em fakaylatun wami namagtainan ayu sas fagafanudun, nu bunway ggubuk ami ayu laman guseganan tuam aroro maksvn wan ay fagafanudun.

2 Kurintu. 4:5

Gfoyung ami sa ayu sabaliwas Isus tam Fun, ay bunwa sabaliwa em sadili. Gfakamulun ami laman sa ayu aroro sas Isus.

Deuterunumyu 32:9

Yawi nafili Akub at kasugfunanan, laman at ngay taw.

Filipus 3:17

Ku ngay faduksay, masadii faningi ku ugali, ay faningi yangay tibak taw tagugali kata em nafalag sa ayu fag fagfaningan.

Filipus 4:9

Fakamuluni fagayu ay nasaful, ay nabul, ay ay nadungug, ay ay nalag siginan angku. Nu katanya tua ay fakamulun, Dius takamon fagmanabayanun si tua ayu.

1 Tesalunika 1:7

Ay ansik fagfaningan am sas fagayu tagafanud sis talun Masidunya ay Akaya.

2 Tesalunika 3:9

Em fagfakamulunun katanya bunwa at masuad te, wami masine gbul ay fakonun, nu bunway laman gfalag ami sa ayu ay fagfaningun.

1 Timuteu 4:12

Dangay o e kafalingun siginan nu mabaguama yay o. Nu bunway ugatani laman sik fagfaningan tuo sas fagayu tagafanud, siginan am aringang, am ugali, am fakesugun, am fagafanudun ay am fagyudun e malong.

Titu 2:7

Sas fagayu am fakamulun falagi te, sik fagfaningan o, ay fagayu am foyungan matuyani dangay kata nu alaman.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.