1 Pedru 5:2 - Fanawbuid tagsibaliwas Fakayabian

² Alagai Dius at ngay tupa tagsi ayu. Dangay am gafabulunan, nu bunway useganani tua fia sa ay amatanganan, ay bunwa te, aroro kaylat am gyabulun salapi. Katanya tua Dius at fakaylatun.

1 Pedru 5:2 ပူးပေါင်းရင်းမြစ်များ

2 Fun 12:6

Dewa katanya, kaduge duak safulu e tuluk banwa Uas nu gfunan, ngay tagfon fanggalangun ya nafafasine Yawi at bale.

Sulumun at Alubad 1:8

Ku fakesugun fag baguina at masine, nu dyay o saful, gewan, aloi ku ngay fagbaugun at fagsian tagsa sangay tagalaga at bale ramit fagulitan. Ay fasanyai yangay nu namafangon o am ngay kambing.

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Isayas 6:8

Ay nadungug au tam Fun nu glong te, “Sinu ku fagsuguun? Sinu ban tagfosuk em longan sa sangay taw?” Ay nabalus au te, “Ste au. Sugui angku.”

Isayas 63:11

Ay dewa katanya at ngay taw namatang at kinlangfe fag ngay menit, gina Muisis gtaban anya fagayu siginans talun Igiptu. Ay kanya fagayu nainto te, “Dada wan Yawi at nafadife antam sis dagat gasfuan tam tagfangguna Muisis takata sik tagulit tupa? Dada wan Yawi at nafon antam At Masine fag Falad?

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 13:20

Banawani ngay fawayan takadasug siginans fawalan fag alvngvdan. Furuan Erusalem, dada wan am ngay tagbanwan am fakamatungudunun fia, ebi ku nafatigwanan sa emu te, alagai?

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 34:23

Ay nanfili kban tagalaga anya fagayu kata ku fagsuguan Dabid laman kanya nangalaga.

Esekyel 34:31

“Am wan ku ngay taw takata sik tupa tagsi ku fagfafangonan, ay au wan ay Dius. Au, Fun Dius Yawi taglong tuy.”

Esekyel 46:24

Sanya ginan, kanya nalong sa angku te, “Ste wan nu gfatama ngay fanggalangun, ngay taw at nabuba sas Dius at bale.”

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Sakaryas 11:17

Afanyuan at yud matuyan fag tagalaga tupa at fakadasugan aroro kanya nafabayan at fagalagaun fag ngay tupa. Siginan sik fiso at uyup gatvngi kanya at daluap, ay suruti at siun fag mata. Nu katanya, we tungkul ya at daluap at sadi ay at siun fag mata wa glag.”

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Tap 18:7

Dewa katanya, am way lang fag talamean tagfakamulun laman sik ngay tagfon fanggalangun. O way lang tagfakamulun ngay fakamulun sas fagirugan ay sat Mafasamanan Fia fag Suluk. Ay fakamulun wan ku fon ayu. Fabuli nusnga sinu tagfakamulun takatanya nu bunway sik tagfon fanggalangun.”

Lukas 12:32

“Lag am gafanawa, deyud am ngayu, aroro ay Mama naylat gfagtainan ayu.

Fakamulun 20:29

Saful kwa te, nu nalo kwa ban, e kadasug ban sa ayu sik tagfangagat fag idu talun, ay gugatan namabul ay fagalagaun fag ngay tupa.

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

Ruma 1:15

Siginan takatanya maksvn nu kaylat au nanfamoyung at Masine fag Barita sa ayu sanya sis furuan Ruma.

1 Kurintu 9:7

Sinu fag tagfawayan tagfakamulun sat fun ay kanya yay tagrvbvy at sadili fagayudanun? We taw gtanum sik wat sat gamasun nu dway ban nangon ya at rawvg. Ay we taw nangalaga fagbaugun nu dway ban gbul susu bilug sanya ginan fag fagbaugun.

1 Timuteu 3:3

ay di glanguan, ay di gfangagras nu bunway malukme tua, ay di gfangalabian salapi,

1 Timuteu 3:8

Ay katatuy at masine ngay tagtanud at ugali: sik fagsuyuun tua, ay matuyan tua at aringang, ay di glanguan, ay di gfangalabian,

Titu 1:11

At masine salagi wan fagayu tagfakamulun takatanya, aroro gfauri way tibak talanan at fagafanudun. Kanya kaylat gfoyung at yud masine, laman gbul ngayuk salapi.

Titu 1:7

At masine sik fagtainan di e kafoyung te, mauri, aroro kanya sik fagfatigwanan Dius at fakamulun. Ay kanya di kamabatun, ay di gfangadotama, ay di glanguan, ay di kamawayan, ay di gfangalabian salapi.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Titu 3:1

Famatangani sanya fag ngay taw te, faningi tam fun ste swa daga ay at ke ngay fagmabalyananun. Faningi anya fagayu, ay mafalganani fia fakamuluni at masine.

Filemun 1:14

Dewa katanya, kwa kaylat gfakamulun takatanya, nu dway o e suguan. Kwa kaylat nu ggubuk o angku nu gafabulunan way o, nu bunway laman am algan tua fia.

Ebreu 12:15

Madiriani tua galay am at sadi laman nusnga sinu si ayu di ban natalyuyan Dius at fagmagalangun. Dirii tua laman ban nusnga sinu am diam kata sik menal fag tanum tagtugbung ay tagfaidapan ay tagfauri ngayuk taw.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.