1 Pedru 4:3 - Fanawbuid tagsibaliwas Fakayabian

³ Faragangi wan nu gfakamulun kata ebi ay fakamulun, kata ngay taw at yud natoglag Dius at fakaylatun gfakamulun: nu gfaning am ay bilug at fakaylatun, ay nu kamasaweun am nu guseganan am, ay nu glanguan am, ay nu gseg am at yud matuyan fag ngay fagsegan.

1 Pedru 4:3 ပူးပေါင်းရင်းမြစ်များ

2 Samwel 13:28

Ay kanya fagayu nu maful wan laman guseganan, Absalum nalong sat ngay fagsuguan te, “Fanyai Amnun nu galangu ay dewa gina ro nu naligbat au ayu, fabuli wan anya. Lag am kalimu; au wan tagsugu ayu. Faksvni ay amatanganan ay lag am gaduanun.”

1 Fun 21:26

At kaksvnan nu mauri naseg at yud e tungkul fag ngay fagsegan, kata ngay taw Amur at nafakamulun, Yawi at naiyan siginan ngay taw Israel at akbang.

2 Krunika 15:8

Asa nu nadungug Asarya, Uded at baguama, at longan, kanya anseganama. Ay kanya naukas wan ngay fagsegan at maksvn nu mauri sis fagdaul talun Uda ay sis Benamin, ay tagsit nagbilug fag ngay furuan tagsis Efraim fag ngay buksul. Ay kanya nafasine fagirugan fanggalangun sas Yawi, tagsis Yawi at bale at tangbi.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 5:11

Ida, afanyuan am! Am takafulo masurip laman nanginum fanlangu, ay am tagfasigad ginum siginans fafun sitsigons buknga yabi laman galangu am.

Isayas 65:4

Ay galay yabi kanya fagayu malunggung sa sangay fagfolian, ay sat masuksuk fag ngay buknga laman namakamatoan ngay labang. Ay kanya fagayu kon bumbu at yamas ay tiba yak yamas at natuyan te, masuya.

Eremyas 16:11

Longi ban sa anya fagayu te, katatuy ku famalus: ‘Nafakamulun au takatatuy aroro ay ngay mangaguyang natalyuyan angku. Kanya fagayu nafaning ay naseg tibak fagsegan. Ay naubun angku ay wa nafaning ku suguan.

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Esekyel 44:6

Longi sa sangay taw Israel takamabo te, ‘Au, Fun Dius Yawi, glong au te, ngay taw Israel, faragangi wan nu gfakamulun am at mauri. Gfasakbo am sa ku bale ngay taw at yud gafanud sa angku. Takatanya gfasuya am ku bale siginan nu gfon am ay ngay fanggalangun fag ngay fakonun, taba ay taguk, nustua nafamabo yayam ku nasadian sa ayu.

Esekyel 45:9

“ ‘Au, Fun Dius Yawi, glong au te, am fag ngay tagfangguna sis talun Israel, faragangi wan ay fagmauriun. Faragangi wan nu gfauri am ay gfaidpan, ay fakamuluni tua at matuyan ay at masine. Lag am gago ya ku ngay taw at ngay daga. Au, Fun Dius Yawi taglong tuy.

Markus 7:22

ay nu gfanugtug sat ke indugan, ay nu gfangalabian tiba at ramraman, ay nu gfakamulun at mauri, ay nu gfandaya, ay at fagyudun e apla, ay nu galabian, ay nu kamuagan gfatuyan sabaliwa at iba, ay nu kamatungudun, ay anggan nu yud e amatanganan.

Fakamulun 17:30

Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan.

Ruma 13:13

Ugalii tua at masine aroro si tua tam sad mayamag, ay di tam si ya sad madulum. Ay saruyi takatatuy fagayu: fakamasaweun nu guseganan, fagfanlanguanun, fagfanugtugun, ay at mapla fag fakamulun, fagawayanun, ay fagfangalabianun.

1 Kurintu 12:2

Saful wam te, ebi gina am yud gafanud, gafaylatan am laman nanseg am sat yud maringang fag ngay fagsegan.

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

2 Kurintu. 12:21

Gafanawa au te, nu nadog kban manga ndasug sa ayu, Dius ban manga gfapla way angku si ay daga salubangan. Nu katanya way ban, maksvn nu kabalu au aroro ngayu yay si ayu at ke asalanan, ay at yud yay naubun at fagmauriun ay at fagfanugtugun.

Galasya 5:19

Wa kasuksuk tam bilug at ngay fakamulun: fagfanugtugun, ay fagnamatugtugun, ay at mauri fag ugali, ay fagmauriun,

Galasya 5:21

ay fagfangasulupun, ay fagfangalanguun, ay fakamasaweun nu guseganan sat mauri, ay tiba yak ugali takatanya. Gfararang au kata ebi taguna ku foyungan ayu te, nusnga sinu tagfakamulun takatanya wa ban umtap sas Dius at fagfagtainanan.

Efesu 5:18

Lag am glanguan, aroro kanya mauri way, nu bunway ugatani laman at Masine fag Falad gbanwan tua si ayu.

1 Tesalunika 4:5

Lag gfaning ay bilug at fakaylatun, kata sik taw at yud natoglag Dius.

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.

1 Pedru 1:14

Am wan, takata at mafamaning fag ngay sisian, nu katanya, lag am gfaning ya ay ngay bilug at fakaylatun, kata ebi gina am yud e fagsafulun.

Udas 1:4

Aroro wam nasaful nu kadasug sa ayu tibak taw tagfabulun gfabali foyungan sabaliwa Dius at fagmagalangun, laman mafakamulun at fagfanugtugun. Kanya wa kaylat gtoglag Isus tam Fun tam tiba tungud fag Fun. Ay siginans fakasigadan e rirukan te, kafag ngay taw gafaurianan ban.