1 Pedru 4:2 - Fanawbuid tagsibaliwas Fakayabian

² Ay kaduge gleleg wa gfaning ya at bilug at fakaylatun, nu bunway at fagfaningun Dius tua at fakaylatun.

1 Pedru 4:2 ပူးပေါင်းရင်းမြစ်များ

Alubad. 143:10

O wan ku Dius, nu katanya, foyungi angku laman gfaning ktua am fakaylatun. Nangus am Masine fag Falad gtaban tua gugat angku sat masine fag dalan.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Mateu 12:50

Aroro nusnga sinu tagfaning ku Mama sas banwa at fakaylatun, kanya tua ku ngay faduksay ay ku mina.”

Mateu 20:4

Ay nalong sa anya fagayu te, ‘Anggan am, loi wan ay namakamuluni sa ku tanuman, ay gfon kro ayu at kasakan fag famayad.’

Mateu 21:31

“Inday ro sanya fag duksay at nafaning at mama at fakaylatun?” Ay kafag ngay taw gbalus te, “At taguna.” Ay Isus nalong yangay anya te, “Matuyan nu glong au ayu te, ngay tagbul famayad laman sas fun ay ngay takamatugtug gumuna ayu nu nangatap sas Dius at fagfagtainanan.

Mateu 7:21

“Bunwa ban fagayu taglong sa angku te, ‘Ku Fun, ku Fun,’ at kumful sas Dius at fagfagtainanan, kayu way ban tagfaning ku Mama sas banwa at fakaylatun.

Markus 3:35

Nusnga sinu tagfaning Dius at fakaylatun, kanya tua ku ngay faduksay ay ku mina.”

Markus 7:21

Aroro tagsiginan sik taw at amatanganan kasure at mauri fag ngay algan, kata nu gfanugtug sat yud e indugan, ay nu gfangkamul, ay nu gfabul,

Uan 1:13

Dius at ngay sisian nu kasalug di kata sik mangena nu gfasalug at sisian ay di kata sik taw at fakaylatun ay at algan, nu bunway siginan tua Dius at algan.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Ruma 12:2

Lag am gfaning fagdaul daga at ugali, nu bunway asamani way ay tubusi ay amatanganan laman sumaful am Dius at fakaylatun, at masuad at masine ay tagfauseganan fia anya, ay at matuyan fia.

Ruma 14:7

Watam masine gleleg ay kabul laman sa tam sadili.

Ruma 6:11

Katanya yangay, tapi ay sadili te, anbul wam sas asalanan at fagmabalyananun, ay gleleg tuam laman gfauseganan Dius siginan ay fagmasadiun sa tam Fun Isus.

Ruma 6:2

Ida, deyud. Anbul watam sas asalanan. Nu katanya, lag tam gfataglayun ya nu gasalanan tam.

Ruma 7:4

Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.

2 Kurintu. 5:15

Kanya anbul laman sas fagayu taw laman fagayu taw tagleleg katsi wa gfaning at sadili, nu bunway gfaning tua tam Fun Isus at kinbul ay at nadog yay naleleg laman sas fagayu taw.

Efesu 2:3

Ebi gfakamulun yangay tam at mauri kata kafag ngay taw, ay gfaning tam tam bilug ay tam amatanganan at fakaylatun. Ay satu umfaurianan tam gasfuan kanya fag ngay taw.

Efesu 4:17

Katatuy ku longan sa ayu siginan tam Fun te, lag am gugali ya kata at yud Udyu fag ngay taw at ugali ay at yud e tungkul fag ngay amatanganan.

Efesu 5:17

Dangay am yud e fagsafulun, nu bunway atogdungugi tua te, setain tam Fun at fakaylatun.

Efesu 6:6

Dewa e glag ay deyud e glag, katanyai tua ay fakamulun, dangay am lang gfauseganan taw nu bunway aroro am wan tam Fun Isus at ngay fagsuguan, magani tua fia sa ay amatanganan nu gfakamulun am tam Dius at fakaylatun.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Kulusas 3:3

aroro anbul wan ay dan fag ugali ay katsi ay leleg masuksukan sas Dius gfaudgufudan tam Fun Isus.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

1 Tesalunika 5:18

kabavn segi Dius nusnge wain at kinfasludan sa ayu, aroro katanya tua Dius at fakaylatun sa ayu tagfaning tam Fun Isus.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

Santiagu 1:18

Siginan tam natoglagan at matuyan, kanya nafili antam at ngay sisian, laman tagtungud sas fagayu at awatan.

1 Pedru 1:14

Am wan, takata at mafamaning fag ngay sisian, nu katanya, lag am gfaning ya ay ngay bilug at fakaylatun, kata ebi gina am yud e fagsafulun.

1 Pedru 2:1

Nu katanya, ubuni wan ay fagmauriun ay fagfandayaun, ay fakamaninganun, ay fagfangalabianun, ay nu glong am at yud matuyan sabaliwa ay iba.

1 Uan 2:17

Ay fagdaul daga umkamin ban, anggan at fagfangalabianun, ay dewa katanya, nusnga sinu tagfaning Dius at fakaylatun, gleleg tua ban kabavn.