1 Pedru 3:2 - Fanawbuid tagsibaliwas Fakayabian

² Aroro ay mangama nalag te, gsuyu tuam Dius ay gugali tuam at masine.

1 Pedru 3:2 ပူးပေါင်းရင်းမြစ်များ

Efesu 5:33

Dewa katanya, tuy at fagfatungulan sa yangay ayu fagayu. Ngay mangama, esugi tua ay mesa mangena kata nu kesug am ay sadili, ay anggan am fag ngay mangena, suyui tua ay mesa mangama.

Efesu 6:5

Ngay fagsuguan, faningi tua ay ngay tagfayafun sas fagdaul ay fagmasuyuun. Faningi ay matuyani kata nu gfaning am tam Fun Isus.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Filipus 3:20

Dewa katanya, tam fagbanwanan ban sa tuas banwa. Siginan yangay sbanwa, gfanya tam tam Fun Isus, tam tagfalangfe.

Kulusas 3:22

Ngay fagsuguan, nusnga setaw ay fakamulun, faningi ay ngay tagfayafun dewa e glag ay yud e glag; fakamuluni dangay am lang gfaylatan ay tagfayafun, nu bunway aroro matuyan am, ay gsuyu am tam Fun.

1 Timuteu 4:12

Dangay o e kafalingun siginan nu mabaguama yay o. Nu bunway ugatani laman sik fagfaningan tuo sas fagayu tagafanud, siginan am aringang, am ugali, am fakesugun, am fagafanudun ay am fagyudun e malong.

1 Pedru 1:15

Dakngani at nafili ayu fag Dius we malong, at masine anggan am, dangay am e kalong nusnge wain ay fakamulun.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

1 Pedru 3:1

Am fag ngay mangena, faningi tua ay mesa mangama. Ay nusnga sinu fag mangama at yud yay gfaning Dius at longan, kanya ban matabanan yangay sas fagafanudun, aroro siginan ay ugali at masine, deyud ro am nalong sa anya.

1 Pedru 3:3

Ay fagfasineun dangay lang takalag, kata nu gfasine am ay buk, ay nu gsulun am gintu fag ngay baklo, ay at masine fag ngay lanbung.

2 Pedru 3:11

Nu katanya way ban at fakatabuan nusnge wain, masine nu gugali tuam at yud e malong, ay nu gfaning tuam Dius.