1 Pedru 2:4 - Fanawbuid tagsibaliwas Fakayabian

⁴ Sia wan ngay taw at naukas fag Gang tagleleg, dewa katanya Dius nafili anya ay kanya mafanud sa anya. Gina am kakbang sa anya,

1 Pedru 2:4 ပူးပေါင်းရင်းမြစ်များ

Isayas 28:16

Nu katanya, katatuy Yawi tam Fun at longan: “Dungugani fagayu am! Namae fagfatungkudan au gang sas Siun; sik gang maksvn, ay at yud guigan, ay mafanud. Nusnga sinu tagafanud sa anya di ban e fakaplaun.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Daniel 2:34

Ay kaduge o glingaman kanya fag fagsegan, sik gang anbaras deyud e natigtig. Ay kafag gang antong sat ngay darafa ay at ngay darafa anrufa.

Daniel 2:45

Kanya kata am nalag at kintong fag gang siginans buksul (bunwa siginans taw at nafakamulun) at narufa kanya fag fagsegan at mawatan sanbung, tansu, lutuk, sanbung salapi, ay gintu. “Em fun Dius mabalyanan tua, ay nalong sa emu takadasug ban. Kanya am taginfan at masuad. Kanya fagayu ku nalong matuyan.”

Sakaryas 3:9

Uswe, damai ku nafasa am daga salubangan fag gang. Kafag gang e fituk tagis ay namagaruy au tuy, ay sik menit way ban nu gbul au taw Israel at asalanan ay gfalyam kwan.

Sakaryas 4:7

“Am fagsalubangun dewa kabat sik buksul, makatu way o gfadatag. Gdog yay ban kawat Yawi at bale, ay gina ban gfoli taguyan fag gang, ngay taw guro te, ‘Dius fae fagmasineuni tuy fag bale.’ ”

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Mateu 12:18

“Tuy wan ku fagsuguan, ku filian ay ku fakesugun, guseganan au anya. Namon au anya ku Falad, laman ban kanya namoyung sas sangay talun at ngay taw te, Katsi Dius matuyan namagtainan ayu.

Mateu 21:42

Ay Isus nalong anya te, “O yam natap Dius at Longan te, ‘Ngay takawat bale at naukas fag gang, katsi at famaogat tua at bale. Tam Fun at nafakamulun takatanya, ay maksvn nu kadulo tam.’

Uan 14:19

Wa ban glugo ya, tagste ban swa daga fag ngay taw ban sas fagdaul daga wa glag ya angku. Ay dewa katanya, am, lumag yay ban am angku. Ay aroro gleleg au, anggan ban am, gleleg yangay am.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 5:26

Ku Mama tagfon leleg, ay nafon fagmabalyananun sa angku, at Baguama, laman gfon kyangay leleg.

Uan 5:40

Dewa katanya, wam kaylat nangakbang sa angku laman mul am leleg at yud e fakatabuan kabavn.

Uan 6:37

Ku Mama at nafon angku fag ngay taw nangakbang sa angku. Ay nusnga sinu takakbang sa angku kdi gaiyan.

Uan 6:57

Ku Mama at nasugu angku tagfon leleg, ay gleleg kyangay aroro sa anya. Ay katanya yangay ban nusnga sinu takon ku bilug e leleg tua ban aroro sa angku.

Ruma 5:10

Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg.

1 Kurintu 3:11

Aroro we masine ya nanturuk tibak turuk sas day at kinturuk wan, at masuad te, Isus, Dius at nafili fag Fun.

Kulusas 3:4

Tam Fun Isus tagfon ayu ay leleg. Ay gina ban ansure, umsure yangay ban am gasfuan anya sat fagmasineun.

1 Pedru 1:19

nu bunway siginan tua tam Fun Isus at taguk. Kanya kata sik tupa riangan at masine ay at yud e malong.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

1 Pedru 2:7

Nu katanya, kafag gang mafanud tua sa ayu fag ngay tagafanud. Dewa katanya, umfasludan sa sangay yud gafanud, kata sis Rirukan te, “Ngay takawat bale at naukas fag gang, ansik fagfatungkudan turuk.”

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

2 Pedru 1:4

Siginan takatanya, kanya nafatuyanan sa antam fagayu nusnge wain at mafanud, laman ay ugali tagsiginan tuas Dius ay laman masaruy am at mauri fag ugali sis fagdaul daga.