1 Pedru 2:2 - Fanawbuid tagsibaliwas Fakayabian

² Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.

1 Pedru 2:2 ပူးပေါင်းရင်းမြစ်များ

2 Samwel 23:5

Katanya ku ngay kasugfunanan sis Dius at daga salubangan, aroro kanya nawat sik nasadian at yud ban e fakatabuan laman sa angku. Masine ay matuyan at nawat fag nasadian ay wa ban e manantubus ya. Nu katanya, gtuyan au te, Dius namalangfe tua ban angku. Ay kanya gfon sa angku fagayu ku fakaylatun.

Ub 17:9

At matuyan fag ngay taw gugali tua gugat at masine, ay at yud e asalanan fag taw umkaksvn.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Usea 14:5

Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Usea 14:7

Kanya fagayu gdog namanwan sanya fag ngay fun kayu at lanbung Kanya umkayu kata ngay tanum nu marabung, kanya ban umkayu kata fare, ay kata wat ubas nu gbarugwak. Ay kanya ban fagayu kadungug kata sik fanlangu tagsiginans Lebanun.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 18:3

Ay Isus nabalus te, “Matuyan nu glong au ayu te, nu dway am natubus ay ugali ay umkata ngay sisian, wa ban am manangatap sas Dius at fagfagtainanan.

Mateu 19:14

Ay Isus nalong te, “Fabayani wan kafag ngay sisian, lag am gsalag nu kakbang sa angku. Aroro takata kanya fag ngay sisian katap ban sas Dius at fagfagtainanan.”

Markus 10:15

Matuyan nu glong au ayu te, nusnga sinu at yud kaylat Dius nu gfagtainan anya kata sik sisian sirut nu kaylat, kanya ban wa manangatap sat fagfagtainanan.”

Lukas 18:17

Matuyan nu glong au ayu te, nusnga sinu at yud kaylat Dius nu gfagtainan anya kata sik sisian sirut nu kaylat, kanya ban wa manangatap sas Dius at fagfagtainanan.”

Ruma 6:4

Ansurung tam kata nu e nanamoli antam gasfuan anya gina anbul, laman nu setain Dius at fagmabalyananun nu nafaleleg tam Fun Isus siginans fagmabulanan, katanya yangay manamanwan tam sat bagu fag ugali.

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

Efesu 2:21

Galay sadik fangawat nafasugfun sa anya, nu katanya, ankata sik bale at mafasinean at nafasaman laman sa tam Fun.

Efesu 4:15

Nu bunway tam longan kabavn matuyani tua ay e fakesuguni tua laman kamayewa tagsi antam kaksvn tua tam sa tam Fun Isus, kanya wan tagfun sas fagayu.

2 Tesalunika 1:3

Em ngay faduksay, kabavn guseganan ami sas Dius aroro siginan ayu. Matuyan kanya em fakamulun aroro ay fagafanudun gtaglayun tua nu kaksvn, ay anggan nu kedkesugan am.

1 Pedru 1:23

Nadog am ansalug, bundi siginans taw at fakamulun, nu bunway siginan tua tagleleg ay yud katabu fag Dius at Longan.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.