1 Pedru 1:4 - Fanawbuid tagsibaliwas Fakayabian

⁴ Magbilug tam sik ramraman at yud katabu ay at yud karasras ay at yud kalyam. Kanya fag ramraman at mafalganan sa ayu si tuas banwa.

1 Pedru 1:4 ပူးပေါင်းရင်းမြစ်များ

Alubad. 31:19

Kasakan tua am nafalganan fag ngay fagmasineun sas fagayu taw tagsuyu emu, ay sas fagdaul daga at ngay taw nalag.

Alubad. 47:4

Kanya nafili sik talun laman tam fagagbilugun, Akub, Yawi at fakesugun, at fagfanagsagun.

Isayas 66:22

“Nu setain at bagu fag banwa ay fag daga ku fagnangawatun ban nu yud e fakatabuan, am ngay kasugfunanan ban wa yangay e fakatabuan, ay gamatang ktua ban gugat ayu kabavn.

Esekyel 47:12

Ngayuk dalan kayu gtugbung ay grawvg gsumbalian kafag liskung. Ay at ngay don di kalangke ay at ngay rawvg di kamin. Galay magdanun grawvg tua, aroro mamam gfamilugan tua sa anya siginans Dius at bale. Ay at ngay rawvg kaon tua, ay at don famafia.”

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Markus 10:17

Isus gina galoun, sik mangama masakit nu kakbang sa anya ay natudan sit daga salubangan, ay nainto anya te, “At matuyan fag Takamoyung, setain manga ku fakamulun, laman magbilug ktua leleg at yud e fakatabuan?”

Fakamulun 20:32

“Ay katsi gfatigwanan au ayu sas Dius ay sat longan sabaliwa at fagmagalangun. Kanya wan tagfaksvn ayu ay gfagbilug at mafalganan sa ayu ay sas fagayu at ngay nafili.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Ruma 8:17

Ay aroro Dius tua tam at ngay sisian, nangagbilug yangay ban tam Dius at nafalganan sat ngay taw gasfuan tam Fun Isus. At masine nu gagwantan yangay tam kata anya ebi, laman nangagbilug ban tam at fagmasineun.

1 Kurintu 9:25

At nanggudgunan maksvn nu gfananad ay nu gfaragang at sadili laman mafabul sik sangbo takarasras way. Ay dewa katanya, itam fag ngay tagafanud, tam fagnamulun fag sangbo at yud tua ban karasras kabavn.

Galasya 3:18

Aroro kanya fag famonun nu siginan way tam fagfaningun Muisis at Faugali, bunwa siginans Dius at fatuyanan. At matuyan, kanya fag famonun andasug sa antam siginan Dius at fatuyanan sas Abrayam.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Efesu 1:14

At Masine fag Falad famatuyan te, magbilug tam Dius at ngay fatuyanan sa antam at ngay nafili, yakmay ban tam nabul fakalangfean. Segi anya aroro sat kamasinean.

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.

Kulusas 1:12

gina am guseganan sa tam Mama, aroro kanya nafasine ayu laman e afud tuam sat fagnamonun at nafalganan sat ngay taw tagbanwan sad mayamag.

Kulusas 1:5

E fagafanudun tuam ay e fakesugun aroro e fagsegun tuam ay fagnamulun at mafalganan sis banwa. Nasaful wam sabaliwa ay fagfanyaun, gina nafadungug sa ayu at matuyan fag longan, at Masine fag Barita

Kulusas 3:24

aroro saful wam te, mul ban am tam Fun at famonun at nafalganan sa ayu. Tam Fun Isus wan tam Fun ay kanya ay fagfaningan.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Ebreu 10:34

Kafanyu tuam at ngay maubungan, ay guseganan tuam gagwantan dewa e nabul ay ngay ramraman, aroro nasaful tuam te, umke ramraman ban am at yud e fakatabuan, tagtungud tua ay ngay ramraman.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

Santiagu 1:11

Menit nu nsure, maksvn nu maroy ay makmak kalangke, ay at barugwak katong ay wa masine ya. Katanya yangay at maramraman fag taw, kanya kabul gina fia gugatan gfakamulun.

1 Pedru 3:9

Nu e nafakamulun sa ayu at mauri, lag am gfasud. Lag am gfalingun tagfalingun ayu, nu bunway darangini way te, Dius nangus gfon sa anya at masine, dakngani am wan at nafili laman namul at masine.

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.