1 Pedru 1:3 - Fanawbuid tagsibaliwas Fakayabian

³ Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

1 Pedru 1:3 ပူးပေါင်းရင်းမြစ်များ

1 Fun 8:15

ay nalong te, “Segi Yawi ngay taw Israel at Dius. Kanya nafafasludan at ngay fatuyanan sa ku mama Dabid. Aroro kanya nalong te,

1 Krunika 29:20

Sanya ginan, Dabid nalong sas fagayu taw te, “Fauseganani ay Dius Yawi.” Nu katanya, ngay taw nafauseganan Yawi at ngay mangaguyang at Dius. Kanya fagayu natudan ay namalub laman gfauseganan Yawi, ay at fun.

2 Krunika 31:8

Esekyas ay at ngay tagfakamulun nu nalag kanya fag ngay fanggalangun nu mabungsud, kanya fagayu nafauseganan Yawi, ay anggan ngay taw Israel.

Alubad. 41:13

Kabavn segi Yawi, taw Israel at Dius. Anud!

Alubad. 86:15

Fun Dius, dewa katanya, mafangafanyu tuo, ay mafanggubuk, ay matuyan ay mafangesug, ay di o masakit gfangadotama.

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Nu Galin 34:6

Yawi nadalan sas Muisis at daga salubangan ay nalong te, “Au Yawi, at mafangafanyu, at mafanggubuk fag Dius, at mafangesug, at matuyan, ay at yud masakit kadotama.

Isayas 26:19

Dewa katanya, gdog yay ban gleleg am ngay taw at kinbul. Ay at ngay mabulan ban umlunggung yay ay nangalubad guseganan. Nu setain nu gfae damug o sas daga, o yangay tagfadog gfaleleg fagayu kinbul.

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Uan 1:13

Dius at ngay sisian nu kasalug di kata sik mangena nu gfasalug at sisian ay di kata sik taw at fakaylatun ay at algan, nu bunway siginan tua Dius at algan.

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 4:25

Dius naylat nu e gfabul Isus aroro sa tam ngay asalanan, ay nafadog nafaleleg anya laman gtap antam kata nu yud tam e asalanan.

Ruma 5:10

Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg.

Ruma 8:11

At Masine fag Falad nafaleleg Isus tam Fun siginan at fagmabulanan. Ay kanya gfaleleg yangay ban ay ngay bilug takabul, aroro kanya gbanwan tua si ayu.

Ruma 8:24

Anlangfe watam, ay e fagsegun tua tam takatanya. Dewa katanya, tam fagsegun bunwa fagsegun ya nu nalag watam tam fagfanyaun. Aroro sinu tagfanya yay dewa nalag wan?

1 Kurintu 13:13

Ay tuy fag tulu sanya tua gugat: fagafanudun, ay fagsegun ay fakesugun, dewa katanya, tagtungud, fakesugun tua.

1 Kurintu 15:20

Ay at matuyan, Dius nafadog yay nafaleleg tam Fun Isus laman sik famatuyan te, ngay kinbul gdog yay ban gleleg.

2 Kurintu. 1:3

Segi Dius, tam Fun Isus at Mama, kanya mafangafanyu tua ay gfon fagmasunun.

Galasya 6:16

Dius at fagmanabayanun ay at fakafanyun sumawa nangus fia at ngay taw tagfaning takatanya fag foyungan.

Efesu 1:17

ay get au gugat sa tam Fun Isus at Mama at mabalyanan laman siginan at Masine fag Falad at gubuk, gfae fagsafulun ay gfae fagmayamagun ayu, sabaliwa nu gtoglag am fia Dius.

Efesu 1:3

Segi Dius, tam Fun Isus at Mama, aroro kanya nafon tua sa antam fagayu fanfalad fag ngay famonun siginan nu nsadi tam sa tam Fun Isus.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Efesu 2:4

Dewa katanya, Dius mafangafanyu tua, ay maksvn nu kesug antam.

Efesu 3:20

Tam Dius mafafakamulun tagtungud yay fagayu tam fagetun ay tam amatanganan, siginan at fagmabalyananun tagfunan antam.

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

1 Tesalunika 4:13

Em ngay faduksay, kaylat ami nu nasaful am at matuyan sabaliwa at ngay kinbul wan, laman diam kabalu kata tibak taw at yud e fagsegun fakalangfean.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

1 Timuteu 1:14

Tam Fun nafon angku at maksvn fag fagmagalangun gasfuan fagafanudun ay fakesugun siginan tam Fun Isus.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

Santiagu 1:18

Siginan tam natoglagan at matuyan, kanya nafili antam at ngay sisian, laman tagtungud sas fagayu at awatan.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.

1 Pedru 1:21

Aroro siginan anya gafanud tuam sas Dius, at nafadog nafaleleg ay at nafauseganan anya. Nu katanya, e fagafanudun tuam ay e fagsegun sas Dius.

1 Pedru 1:23

Nadog am ansalug, bundi siginans taw at fakamulun, nu bunway siginan tua tagleleg ay yud katabu fag Dius at Longan.

1 Pedru 2:2

Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.

1 Pedru 3:15

Amatangi tua gugat tam Fun Isus ay fagfausegananun ay ay fagfaningun. Kabavn mafalganani nu gfayamag am sas nusnga sinu fag taw taginto sa ayu sabaliwa ay fagsegun.

1 Pedru 3:21

Kafag mamam sik fafaskudanan way nu kasurung am, ay at nafon ayu fakalangfeun siginan tam Fun Isus at nadogan naleleg. Fakasurungun bunwa famegus tam bilug at layungun, nu bunway sik fatuyanan way sas Dius te, di tam namakamulun nusnge wain at mauri.

1 Pedru 3:5

Ebi fag ngay mangena tagafanud sas Dius, kata kanya at fagfasineun. Kanya fagayu gfaning tua at mesa mangama.

1 Uan 2:29

Nasaful wam te, tam Isus matuyan, ay saful yangay am te, fagayu taw tagfakamulun at matuyan, kanya Dius at sisian.

1 Uan 3:3

Ay fagayu taw at ke fagsegun takatanya, matuyani fia at ugali kata tam Fun Isus nu matuyan.

1 Uan 3:9

Nusnga sinu Dius at sisian di gfataglayun gfakamulun at mauri, aroro si tua anya Dius at ugali. Sarokta kanya wa makatu gfakamulun at mauri, aroro Dius wan at sisian.

1 Uan 4:7

Ku ngay fakesugun, edkesugani tua, aroro fakesugun siginans Dius. Nusnga sinu takesug tua at faduksay, kanya Dius at sisian, ay toglag tua Dius.

1 Uan 5:1

Nusnga sinu tagafanud te, Isus wan Dius at nafili fag Fun, kanya fag taw Dius at sisian. Sik taw nu kesug tua sik mama, kesug yangay anggan kafag mama at sisian.

1 Uan 5:18

Nasaful watam te, Dius at ngay sisian di gfataglayun nu gasalanan, aroro Dius at Baguama gdiri tua anya, laman Satanas di gfauri anya.

1 Uan 5:4

Dius at ngay sisian gbabo tua fagdaul daga at fagmauriun. Nababo tam takatanya aroro siginan tam fagafanudun.