1 Kurintu 6:3 - Fanawbuid tagsibaliwas Fakayabian

³ O nunda yam nasaful te, itam ban at nanginsaful ngay tagbarita te, o e asalanan? Nu katanya, kaugat waro nu mafasine tam katsi tam ngay mamalong.

1 Kurintu 6:3 ပူးပေါင်းရင်းမြစ်များ

Alubad. 17:14

Siginan am fagmabitsugun, falangfei angku sanya ginan fag ngay taw, aroro at fagamatanganun tagste way lang sfagdaul daga. Gfamut o at ngay ramraman, ay gfayu o at ngay sisian, ay kanya fagayu gfagbilug at ngay ramraman sat ngay kasugfunanan.

Daniel 7:22

Sanya ginan, andasug Tiba Tungud ay Tagleleg kabavn fag Dius, ay kanya gwabilug gfadiuganan at ngay taw at yud e malong. Ay andasug at buknga kanya fagayu nu gfunan.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Ruma 6:16

Nasaful tuam te, nusnga sinu tam fagfaningan, kanya gfagsuguan antam. Tam fagfaningun nu asalanan way, kanya gfadasug way antam sas fakabulun, ay tam fagfaningun nu Dius tua, kanya gagbilug antam, nu katanya tam fakadasugan ban sa tuas fagmatuyanun.

1 Kurintu 6:15

O nunda yam nasaful te, tam bilug sik afud yangay tam Fun Isus at bilug? O namul au tam Fun Isus at bilug sik afud laman namataladan au sa sik mangena takamatugtug? Ida, deyud.

1 Kurintu 6:16

O nunda yam nasaful te, at kinsadi sa sik mangena takamatugtug ansadi yangay anggan sat bilug? Aroro Dius at Rirukan nafoyung te, “Kafag dua ansadi wan.”

1 Kurintu 6:19

O nunda yam nasaful te, ay bilug wan at Masine fag Falad at bale? At Masine fag Falad tagbanwan si ayu, kanya siginans Dius. Ay bunwa am tagagbilug ay bilug,

1 Kurintu 6:4

Nu nke fagbadbaboanun am, wain nu namasine am fagsaun way ay fagyudun toglag fag tagwabilug?

2 Timuteu 2:4

Sik tagfawayan wa kasalag ste swa daga nusnge wain, laman kanya gfon fagusegananun sat fun.

2 Timuteu 4:10

Demas naubun wan angku aroro at fakesugun tagste way swa daga. Kanya nalo wan sas furuan Tesalunika. Ay Krisinti nalo wan sas talun Galasya. Ay Titu nalo wan sas talun Dalmasya.

2 Pedru 2:4

Dius wa nfanyu ya takamabo fag ngay tagbarita. Abat ngate, kanya naubung kafag ngay tagbarita sasad lusung tangabasad ay at maksvn nu madulum. Kanya ban fagayu sanya way gugat nu dyakmay ban andasug nu ginsaful asalanan fag menit.

Udas 1:6

Ay amatangani yangay ngay tagbarita at naubun at ugali ay at fagbanwanan. Dius nasiuk takatanya fag ngay tagbarita ay naubung sasad fagmadulumun yakmay ban andasug fanginsafulan asalanan fag menit.