1 Kurintu 5:9 - Fanawbuid tagsibaliwas Fakayabian

⁹ Nariruk au sa ayu te, “Lag am gfadkaylatan tagfanugtug.”

1 Kurintu 5:9 ပူးပေါင်းရင်းမြစ်များ

Fangatulun 9:6

Ubuni wan ay fagyudun e fagmamatanganun, laman ban ngaduge tua nu gleleg am, ay saful tuam gtogdungug.”

1 Kurintu 5:10

Ku longan at masuad, kwa glong te, lag gfadkaylatan yud gafanud fag ngay taw tagfanugtug, ay tagfanganuran ay tagfangkamul ay tagseg yud matuyan fag ngay fagsegan. Nu gsaruyan way am at yud gafanud tagfakamulun takatanya, at masine loi wan ste ginan swa daga.

1 Kurintu 5:2

Ay kamatungudun am takatanya fag fakamulun. Wam nangus kamatungudun, abat ngate, mabaluani way ay aiyani wan tagfakamulun takatanya.

1 Kurintu 5:7

Ukasi wan at dan fag famabia, at masuad, asalanan, laman wam e malong ya. Nu katanya, umkata am sik bagu fag tinapay at yud e famabia. Ay katanya wam fia, aroro tam Fun Isus nafon wan laman sik fanggalangun kata sik tupa riangan fag fanggalangun sabaliwa Tagbarita nu Glangfe.

2 Kurintu. 6:14

Lag am gfadgaloan at yud gafanud fag ngay taw. Aroro wa masine gfagamutan at matuyan ay at mauri. Ay wa yangay masine gasfuan at mayamag ay at madulum.

2 Kurintu. 6:17

“Nu katanya, tam Fun glong te, Ayayui wan siginan kafag ngay taw. Ay lag am gted nusnge wain tagfasik masuya ayu. Nu nafakamulun tua ban am takatanya, kaylat kwan ayu.”

Efesu 5:11

Lag am gfagamutan ngay taw tagfakamulun at yud masine, tagfaning fagmadulumun. Abat ngate, falagi way sa anya fagayu te, mauri at ngay fakamulun.

2 Tesalunika 3:14

Ay nusnga sinu at yud kaylat gfaning em ngay suguan, aiyani wan anya laman umkapla.

2 Tesalunika 3:6

Em ngay faduksay, siginan tam Fun Isus at fagmabalyananun gsugu ami ayu te, saruyani at momuy ay at yud kaylat gfaning em ngay foyungan.