1 Kurintu 5:8 - Fanawbuid tagsibaliwas Fakayabian

⁸ Amatangani gugat kanya fag fagmafulun, ay fakamuluni takatanya bunwa siginan ay fagmauriun, kata at ke famabia fag tinapay, nu bunway ugalii at masine ay at matuyan, kata sik tinapay at yud e famabia.

1 Kurintu 5:8 ပူးပေါင်းရင်းမြစ်များ

Alubad. 32:2

Mauseganan sik taw, Yawi nu ddi gamatang ya at ngay asalanan, ay nu ddi gfandaya ya sat amatanganan.

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Nu Galin 12:15

Kaduge fituk menit, ay fakonun fag tinapay at yud yakman e famabia. Gina taguna fag menit, ukasi wan famabia tinapay tagsi ay ngay bale, aroro nusnga sinu ban at naon tinapay at ke famabia siginan taguna sitsigons fafituk menit wa katap ya te, taw Israel.

Nu Galin 12:19

Kaduge fituk menit, lag e famabia tinapay si ay ngay bale. Fagayu ban at naon tinapay at ke famabia, kanya dewa sik taw Israel ay sik betaw, kanya wa katap ya te, taw Israel.

Nu Galin 12:8

Ay ginanya fag yabi, galay sik talanan mesai sugbai ay ngay filasan ay oni wan, gasfuan at mayat fag gulay, ay tinapay at yud e famabia.

Nu Galin 13:6

Ay gina am gfauseganan fag buknga, fituk menit nung am kon tinapay at yud e famabia, ay sis fafituk menit, gfasigad wam ay fagmafulun laman sas Yawi.

Nu Galin 13:7

Kaduge fituk menit, wam masine kon tinapay at ke famabia. Sas nusnga sinu si ayu, lag e fasawadan ya famabia tinapay.

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 30:29

Dewa katanya, fagayu am Dius at ngay taw nangalubad tuam, kata ay fakamulun sad yabi gina am gfauseganan Yawi. Ay guseganan am kata sik ngay taw tagadgaloan glo sas Yawi at Buksul kaduge e gfawang ngay tulali, laman nanseg anya, Israel at fagsarirungan fag gang.

Lebitiku 23:6

Ay sis falabi limak menit ginanya yangay fag magdanun, gfasigad ay fagmafulun sabaliwa Tinapay at yud e Famabia. Ay kaduge fituk menit, ay fakonun fag tinapay at yud yakman e famabia.

Mateu 16:12

Ay arodi at ngay tagadal nasaful te, Isus at longan wa sabaliwas famabia tinapay. At masuad tua te, dirii ngay taw Fariseu ay Saduseu at ngay foyungan.

Mateu 16:6

Ay Isus nalong anya te, “Dirii ay mataganani taw Fariseu ay Saduseu at famabia tinapay.”

Markus 8:15

Ay Isus nalong sat ngay tagadal te, “Dirii ay mataganani taw Fariseu ay Erudes at famabia tinapay.”

Lukas 12:1

Kadugenya ngayuk libuk taw andasug sas Isus, ay kanya fagayu gsidsikfitan. Ay Isus nalong taguna sat ngay tagadal te, “Lag gfaning taw Fariseu at fakamaninganun, aroro at fakamaninganun kata way sik famabia tinapay.

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

1 Kurintu 3:3

Aroro gfaning yayam ay bilug at fakaylatun. Gfangalabian yayam ay gawayan, takatanya ay fakamulun gfatuyan te, gfaning yayam ay bilug at fakaylatun ay fagdaul daga at ugali.

1 Kurintu 5:1

At matuyan, andasug sa angku sik barita te, si ayu e gfanugtug, ay nu gfanugtug, gtungud yay at yud gafanud. Aroro si ayu at sadi naago at mama at bubay.

1 Kurintu 5:6

Lag am kamatungudun. O yam nasaful sik longan te, dewa alay fag asalanan karapyag sas fagayu taw, kata sik famabia tinapay dewa alay way sirut karapyag sas fagdaul fangawat tinapay?

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

2 Kurintu. 2:17

Wami kata tibak taw taget famayad gina kamoyung Dius at longan. Aroro Dius tuami at nasugu, matuyan tua nu kamoyung ami at longan sit daga salubangan, siginan em fagmasadiun sa tam Fun Isus.

2 Kurintu. 8:8

Dewa au nalong takatanya, kwa gsugu ayu. Nalong kway sa ayu tibak taw nu ggubuk, laman gfalag am sa emi te, nu kesug am matuyan tua.

Efesu 6:24

Dius at fagmagalangun sumawa nangus fia ayu fagayu, am takesug fia tam Fun Isus.

Deuterunumyu 16:16

Galay banwa, galay sik mangama aloi tua ste fag tuluk fagmafulun. Fagmafulun sabaliwa Tinapay at yud e Famabia ay fagmafulun sabaliwas Fanggutluan, ay fagmafulun sabaliwa nu Kawat ngay Fayag. Galay at sadi loi sas Yawi at nafili fag afud talun tagsit daga salubangan.

Deuterunumyu 16:3

Nangon am kanya fag ngay fagbaugun gasfuan tinapay at yud e famabia. Kaduge fituk menit, ay fakonun tinapay yakman lang at yud e famabia, kata ay nafakamulun ebi gina am gabanganan glao siginans talun Igiptu. Oni tuy fag tinapay, fagtoglagan nu setain nu gagwantan am, laman kabavn gamatang am nu glao am siginans talun Igiptu.

Uswe 24:14

“Nu katanya, katsi, esugi Yawi ay fakamuluni at matuyan. Ubuni wan ay ngay mangaguyang at fagsegan ebi gina sis dife Liskung Eufrates sis talun Igiptu, ay fakamuluni yakman sas Yawi.

1 Pedru 4:2

Ay kaduge gleleg wa gfaning ya at bilug at fakaylatun, nu bunway at fagfaningun Dius tua at fakaylatun.