1 Kurintu 4:9 - Fanawbuid tagsibaliwas Fakayabian

⁹ Ay gamatangan au te, Dius nafakata nu yud e tungkul emi fag ngay nasugu sa sangay taw. Kata ami sik nafalganan fag fagnamabulun, ay sik mafalingun ami sas fagayu awatan, sa sangay tagbarita ay sa sangay taw at daga salubangan.

1 Kurintu 4:9 ပူးပေါင်းရင်းမြစ်များ

Alubad. 44:22

Aroro gafanud ami sa emu, kabavn munakbang ami gugat sas fakabulun. Ay tibak taw nu glag, kata way mi sik fagfilasun fag ngay tupa.

Alubad. 71:7

Ay ansik fagfaningan au sas fagayu, aroro o tua tagdiri angku.

Eremyas 20:18

Wain ro ku faginsalugun yay? O laman nandalan au at maksvn fag fagidapun, o ay nangabul au sas fakaplaun?

Fakamulun 19:29

Nu katanya, kafag fagbadbaboanun anrapyag sas fagdaul furuan. Ay kafag ngay taw nagamat Gayu ay Aristarku, Pablu at ufud ay taw Masidunya. Ay kaduge kafag ngay taw gfaurianan duama, ngay taw glagyu siginan at fagmafulan.

Fakamulun 19:31

Anggan tibak fun sirut sanya fag talun, Pablu at ngay fagadgalangan, nasugu sik longan sa anya te, “Lag yap o gtaglayun sanya.”

Ruma 8:36

Kata at kinriruk te, “Aroro sa ayu fagngabak menit si wamis fakabulun. Antap wami kata sik fagnamabulun fag ngay tupa.”

1 Kurintu 15:19

Tam fagsegun sa tam Fun Isus nu katsi way lang fag leleg, itam wan at afanyuan sas fagayu taw.

2 Kurintu. 11:23

O kanya fagayu tam Fun Isus at ngay fagsuguan? Au amatuyan kyap tua kanya fag ngay taw nu sik fagsuguan au. Nalong au takatanya kata sik tagfansaful, aroro nu gfakamulun au gtungud tua kanya fag ngay taw nu gfakamulun. Ngayu ginan au kaubung, ay kwa mafatap ya te, kayu ginan nya nu gafalangan au. Ay ngayu ginan au gsalubang sas fakabulun.

2 Kurintu. 6:9

Ngay taw toglag oma emi, dewa katanya we gdungugan emi. Ay arvs gakabulun wami, ay dewa katanya gleleg yaymi. Ay dewa ami anfaurianan, yami nbul.

1 Tesalunika 3:3

laman nusnga sinu si ayu di kamomuy aroro siginan ay ngay nadalan fag faurianan. Nasaful wam te, Dius nafalganan sa antam takatanya.

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.

Ebreu 10:33

Tibaginan e gfalingun ayu ay e gfauri ayu sis salubangan fagngayuan taw. Ay tibaginan kataip am sa tagafaurianan fag ngay taw.

Ebreu 11:36

Tibak taw nafalingunan, ay tibak taw nafalangan, ay tibak taw ankubung masiukan salambitan.