1 Kurintu 4:4 - Fanawbuid tagsibaliwas Fakayabian

⁴ Ay kin, matuyan tua ku amatanganan. Dewa katanya bunwa te, kwe asalanan. Tam Fun wan tagsaful sabaliwa angku.

1 Kurintu 4:4 ပူးပေါင်းရင်းမြစ်များ

Ub 15:14

O nunda sik taw makatu gugali at yud e malong, o ay matuyan sis Dius at daga salubangan?

Ub 25:4

Setain ro sik taw nu manangalindug sis Dius at daga salubangan ay glong te, ‘Matuyan au’? O e taw at kinsalug yud e malong?

Ub 27:6

Gfabadbaboan au te, kabavn matuyan ktua ay mabayan tua gugat ku amatanganan.

Ub 40:4

“Kwa gbalus emu, gragangan kyakman lang.

Ub 9:20

Kdoma e asalanan, dewa katanya, kafaurianan kway siginan ku ngay nalong.

Alubad. 130:3

Yawi ku Fun, nu nariruk ro wo em ngay asalanan, sinu ya ro at kumsawad si emi, sim daga salubangan?

Alubad. 143:2

Lag yap ginsaful angku am fagsuguan, aroro we taw matuyan sam daga salubangan.

Alubad. 19:12

Nusnga sinu wa saful at asalanan. Nu katanya, falyami wan ku ngay asalanan ku fagyudun saful.

Alubad. 26:12

Yawi, katsi anlangfe ktua siginan ku ngay fagidapun, takata sik dalan at madangsal. Nu katanya, gseg au emu sim ngay taw at fagmafulan.

Alubad. 50:6

Banwa gfalag te, Dius matuyan, aroro Dius wan tagtuyan.

Fangatulun 21:2

Ngay taw nu gamatangan, fagayu at fakamulun matuyan wan, dewa katanya, Yawi saful way tam ngay algan.

Fangatulun 29:26

Ngayu at nangakbang sa sangay tagfangguna laman nanget te, fadiuganani anya, dewa katanya, Yawi way lang at mafon fagmatuyanun.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Fakamulun 23:1

Ay Pablu nadama fia anya fagayu ay glong te, “Ku ngay faduksay, dasug katsi gugali ktua matuyan sis Dius at daga salubangan ay masine tua ku amatanganan.”

Ruma 2:13

Aroro Dius at fagfangayanun te, sik taw at yud e asalanan, bundi tagdungugan lang at Faugali, nu bunway tagfaning tua.

Ruma 4:2

Abrayam ro e fagmafamatungudunun nu siginan di at fakamulun nu katap kata nu yud e asalanan. Dewa katanya, kanya we fagmafamatungudunun sis Dius at daga salubangan.

1 Kurintu 4:3

Kwa kauri dewa am gamatangan te, ku fakamulun mauri way, ay anggan tibak taw dewa katanya at amatanganan, nustua kwa gamatangan nu sa way ku sadili.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.