1 Kurintu 3:9 - Fanawbuid tagsibaliwas Fakayabian

⁹ Ami fagdua ggudgubukan ami gfakamulun, Dius at fakamulun. Ay am, Dius am at gamasun. Ay am yangay Dius at nafalindug fag bale.

1 Kurintu 3:9 ပူးပေါင်းရင်းမြစ်များ

Alubad. 118:22

Ngay takawat bale at naukas fag gang, ansik fagfatungkudan turuk.

Alubad. 72:16

Takagutlu nangus sas fagdaul talun umkayu, anggan sas tungud buksul. Ngay fun kayu at ke rawvg ngayu tua nangus gugat kata sis talun Lebanun fag araw. Ay ngay taw nangus sa sangay furuan umkayu kata ngay makmak nu ngayu.

Fangatulun 9:1

Fagsafulun, kata sik taw at nawat at bale, at ke fituk turuk.

Isayas 32:20

Dius ban ggubuk tua ayu, ay kasakan tua ban at mamam famarugme ay tanuman, ay anggan fagayu ay ngay fagbaugun manabayan gfangonan nusnga nday.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Isayas 61:5

Dius at ngay taw, tiba bank talun at ngay taw nangafagsuguanan ayu. Kanya ban fagayu nangalaga ay ngay fagbaugun, ay namakamulun sa ay daga ay sa ay ngay tanuman wat ubas.

Eremyas 2:21

Kata oma am sik masine fag wat ubas ku natanum, dewa katanya, wain ay faginkataun sik rawvg at madanan?

Mateu 15:13

Ay Isus nafaydayuanan te, “Fagayu tagtugbung nu bunway ku Mama sas banwa at natanum, e ggulad yay ban.

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Mateu 9:37

Ay Isus nalong sat ngay tagadal te, “Ngayu at faggutluun, ay gsadsadian way at nanggutlu.

Markus 16:20

Ay at ngay tagadal nalo wan ay namoyung sas fagayu talun. Ay tam Fun nagubuk anya fagayu, siginan nu gfon at fagmabalyananun gfakamulun at ngay madulo, laman famafanud te, matuyan at longan.

Fakamulun 4:11

Kata at marirukan te, at nalong fag gang, Isus wan: ‘Am fag ngay takawat bale ay naukas fag gang, katsi famaogat tua.’

1 Kurintu 3:16

O yam nasaful te, am wan Dius at bale, ay at Masine fag Falad gbanwan si ayu?

1 Kurintu 3:6

Au at natanum, ay Apulus tagfarugme, ay Dius tagfatugbung ay tagfarabung.

1 Kurintu 6:19

O nunda yam nasaful te, ay bilug wan at Masine fag Falad at bale? At Masine fag Falad tagbanwan si ayu, kanya siginans Dius. Ay bunwa am tagagbilug ay bilug,

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Kulusas 2:7

Fataglayuni nu mabakvd am si tam Fun Isus, ay fagbilugi sa anya ay leleg, ay faksvni ay fagafanudun kata at foyungan sa ayu, ay kabavn useganani.

1 Timuteu 3:15

laman deyud au vtv andasug, sumaful o at masine Dius at ngay sisian at ugali. Itam wan tagleleg fag Dius at ngay taw, ay itam wan tagbakvd ay tagsarig sas fagmatuyanun.

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

3 Uan 1:8

Nu katanya, masine nu ggubuk tam takatanya fag ngay taw, laman ggudgubukan tam gfarapyag at matuyan.