1 Kurintu 14:4 - Fanawbuid tagsibaliwas Fakayabian

⁴ Tagaringang at yud katogdungug fag fangaringang, at fagfaksvnun at sadili way, ay dewa katanya, takamoyung Dius at longan, kanya gfaksvn tua ngay tagafanud.

1 Kurintu 14:4 ပူးပေါင်းရင်းမြစ်များ

Markus 16:17

Ay fagayu ban tagafanud mafakamulun at madulo siginan ku fagmabalyananun, ay maiyan ban at mauri fag ngay falad ay maringang ban tibak fangaringang.

Ruma 14:19

Nu katanya, tam fagugatanun tagfae fagmanabayanun tua sas galay antam at sadi, ay tagfaksvn tam fagafanudun.

1 Kurintu 12:10

Ay nafon sa tibak taw fagmakatuun gfakamulun at madulo, ay sa tibak taw fagmakatuun gfayamag Dius at longan. Ay nafon yangay sa tibak taw fagmakatuun laman gtoglag te, o tagsi anya fag falad siginan at Masine fag Falad ay o mannga siginan way at mauri fag falad. Ay nafon sa tibak taw fagmakatuun garingang sat fagyudun togdungug fag fangaringang, ay nafon sa tibak taw at fagmakatuun gfayamag kafag ngay fangaringang at masuad.

1 Kurintu 12:28

Tam Dius nafili tibak taw sit furuan, taguna at ngay nasugu, fadua tagfasaful Dius at ngay longan, ay at fatulu, takamoyung. Ay nafili yangay ngay tagfakamulun at ngay madulo, ay tiba at ke fagmabalyananun gfafia at ke ngay fakasaitun, ay tiba taggubuk, ay tiba tagfangguna, ay tiba tagsaful garingang at fagyudun togdungug fag ngay fangaringang.

1 Kurintu 13:1

Dewa au saful fagayu taw ay anggan ngay tagbarita at fangaringang, dewa katanya, nu dway e si angku fakesugun, kata kway at meglis fag tingting ay kata sik udlung at awang yud e masuad.

1 Kurintu 13:2

Ay dewa ro au makatu gfasaful Dius at longan, ay dewa ro au saful gfayamag at masuksuk fag ngay longan, ay dewa ro au saful fagayu fagsafulun, ay dewa ro au mafafalin buksul siginan ku fagafanudun at kaksvnan, nu dway ngap si angku fakesugun, kwe tungkul.

1 Kurintu 14:12

Maksvn nu gyabulun am at Masine fag Falad at ngay famonun, nu katanya, ugatani laman mul wam fia kafag ngay famonun tagfaksvn ayu fag ngay tagafanud.

1 Kurintu 14:22

Nu katanya, ngay fangaringang at yud katogdungug, sik fakatoglagan way sat yud gafanud, bunwa sa sangay tagafanud. Ay nu gfayamag Dius at longan, sik fakatoglagan sa sangay tagafanud, bunwa sat yud gafanud.

1 Kurintu 14:26

Ku ngay faduksay, katatuy at masine ay fakamulun gina am maful: tiba si ayu tagalubad, ay tiba tagfoyung, ay tiba tagfayamag Dius at longan, ay tiba tagaringang sa sangay fangaringang at yud katogdungug, ay tiba gfayamag kafag ngay fangaringang at masuad. Fakamuluni takatanya fagayu laman gfaksvn ayu fag ngay tagafanud.

1 Kurintu 14:3

Sik taw tagfoyung Dius at longan, gfoyung sa sangay taw laman gfaksvn at ngay fagafanudun, ay gfabitsug at ngay amatanganan.

1 Kurintu 14:5

Kaylat au fagayu am nu saful am garingang at yud katogdungug fag fangaringang. Ay maksvn nu kaylat au nu kamoyung am Dius at longan. Aroro takamoyung Dius at longan, amafanud yap tua tagaringang at yud katogdungug fag fangaringang, kanya nu dway gfayamag at longan at masuad, laman gfaksvn ngay tagafanud.