1 Kurintu 14:3 - Fanawbuid tagsibaliwas Fakayabian

³ Sik taw tagfoyung Dius at longan, gfoyung sa sangay taw laman gfaksvn at ngay fagafanudun, ay gfabitsug at ngay amatanganan.

1 Kurintu 14:3 ပူးပေါင်းရင်းမြစ်များ

Lukas 3:18

Ngayu yay Uan at foyungan sa sangay taw sabaliwa at Masine fag Barita.

Fakamulun 13:15

Ay nu ntabu gtap sik afud Muisis at Faugali ay siginan Dius at ngay taglong at rirukan, bale fakafulan at ngay fagtainan nasugu at fagsuguan laman nanlong sas duama te, “Em ngay faduksay, nu e fagyalongun yayam laman famaksvn ste fag ngay tagafanud, foyungi emi.”

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Fakamulun 15:32

Ay Udas ay Silas, Dius yangay at taglong, ngayu yangay at foyungan sa sangay tagafanud tagfaksvn at ngay amatanganan ay at fagafanudun.

Fakamulun 4:36

Ay katanya yangay Use at nafakamulun. Nu katanya, ngay nasugu nafangayan anya te, Bernabe, at masuad te, Tagfabitsug Tiba at ngay Amatanganan. Kanya sik taw Lebi siginans furu Sipre.

Fakamulun 9:31

Siginan ginanya, ngay tagafanud sas fagdaul talun Udea ay Galilea ay anggan Samarya, anke fagmanabayanun ay ankaksvn yangay nu gafanud ay gbanwan gfaning tam Fun. Ay at Masine fag Falad nafabitsug at ngay amatanganan, nu katanya, ngay tagafanud anfamut yay.

Ruma 12:8

Ay nu sik tagfaksvn tibak taw at amatanganan, faksvni wa fia. Ay nu sik takamon, famoni sas fagdaul tam fagmakatuun. Ay nu sik funan, ugatani fia funani. Ay nu sik takafanyu, afanyui fia useganani.

Ruma 14:19

Nu katanya, tam fagugatanun tagfae fagmanabayanun tua sas galay antam at sadi, ay tagfaksvn tam fagafanudun.

Ruma 15:2

nu bunway fauseganani tua tam ngay iba laman at fagafanudun kaksvn yangay.

1 Kurintu 10:23

Masine way tam gfakamulun nusnga setaw, dewa katanya, bunwa fagayu at mafagubuk antam. Ay dewa tam masine gfakamulun nusnga setaw, bunwa fagayu tagfaksvn tam fagafanudun.

1 Kurintu 14:12

Maksvn nu gyabulun am at Masine fag Falad at ngay famonun, nu katanya, ugatani laman mul wam fia kafag ngay famonun tagfaksvn ayu fag ngay tagafanud.

1 Kurintu 14:17

Matuyan guseganan o sas Dius, dewa katanya wo nafaksvn tagdungugan emu fag ngay taw.

1 Kurintu 14:26

Ku ngay faduksay, katatuy at masine ay fakamulun gina am maful: tiba si ayu tagalubad, ay tiba tagfoyung, ay tiba tagfayamag Dius at longan, ay tiba tagaringang sa sangay fangaringang at yud katogdungug, ay tiba gfayamag kafag ngay fangaringang at masuad. Fakamuluni takatanya fagayu laman gfaksvn ayu fag ngay tagafanud.

1 Kurintu 14:31

Aroro fagayu at ke fagmakatuun gfayamag Dius at longan masine nu gungbusan tua, laman fagayu tagafanud umke fagsafulun ay umkaksvn at fagafanudun.

1 Kurintu 8:1

Katatuy ku famayamag nu saman baliwas fakonun at nafon sat yud matuyan fag ngay fagsegan. Nasaful watam te, fagayu tam e fagsafulun watam. Ay kafag fagsafulun gbuba antam sas fakamatungudunun, ay dewa katanya, fakesugun gfaksvn tam fagafanudun.

2 Kurintu. 1:4

Kanya wan tagfasun antam sas fagayu tam fagidapun, laman mafasun yangay tam fagayu at ke fagidapun, kata Dius nu gfasun antam.

2 Kurintu. 2:7

Katsi falyami wan at asalanan ay fasuni anya laman wa kaksvn nu kabalu.

Efesu 4:29

Lag am glong nusnge wain at mauri, nu bunway at mafagubuk tua ay at mafaksvn ay iba kata at fagayudanun, laman e fanambagun tua sa tagdungugan.

Efesu 6:22

Gsugu au anya sa ayu laman sumaful am em kayaunanan ay laman gfaksvn tua ay ngay amatanganan.

Kulusas 4:8

Gsugu au anya sa ayu laman sumaful am em kayaunanan ay laman gfaksvn tua ay ngay amatanganan.

1 Tesalunika 2:11

Saful am te, kata ami sik mama sa ayu fagayu. Nafabitsug ami ay ngay amatanganan, ay nafasun ay naet ami sa ayu te,

1 Tesalunika 2:3

Em foyungan wa gsalan, ay bunwa siginan at mauri fag algan ay wami kaylat gfandaya.

1 Tesalunika 3:2

Ay nasugu ami sa ayu tam faduksay Timuteu, Dius at fagsuguan tagfoyung yangay at Masine fag Barita sabaliwa tam Fun Isus. Kanya wan em nasugu laman gfaksvn ay fagafanudun ay gfabitsug ay amatanganan,

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

1 Tesalunika 4:18

Nu katanya, fadfamatangani tua takatanya fag ngay longan laman gfabitsug ay ngay amatanganan.

2 Tesalunika 3:12

Siginan tam Fun Isus at fagmabalyananun, maksvn em suguan sanya fag ngay taw te, manabayani tua nu gugali, ay fakamuluni tua laman e fakonun.

1 Timuteu 1:4

Fararangi sa kafag ngay taw te, lag gfangulan at buknga sat ngay talagtagan ay nu ginsaful sabaliwa at ngay mangaguyang at ngay ngayan. Takatanya at fungfung fagbadbaboanun way, ay wa magubuk nu gfafasludan Dius at algan tam nasaful siginans fagafanudun.

1 Timuteu 4:13

Yakmay kban andasug sanya, tapi tua gugat Dius at Longan sas fagngayuan taw, ay foyungi ay fayamagi sa anya fagayu.

1 Timuteu 6:2

Ay sik fagsuguan at tagfayafun nu sik tagafanud, lag gyud gsuyu aroro duksay sas fagafanudun. Nu bunway, kafag fagsuguan faugati yap nu gfaning at tagfayafun aroro kanya gafanud yangay ay Dius kesug anya, ay e tungkul tua sa anya at fagmafaningun. Fafasludani foyungi takatanya fagayu.

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.

Titu 1:9

At masine kanya nu maksvn tua fia nu gamatangan sat matuyan fag foyungan kata at nadungug, laman mafaksvn at ngay iba at fagafanudun ay gfasaful sa takauri at matuyan te, kanya gsalan.

Titu 2:15

Sas fagdaul am fagmabalyananun, foyungi takatanya fagayu, ay fabitsugi sanya fag ngay taw at amatanganan, ay salagi at fagmauriun. Fakamuluni at matuyan laman nusnga sinu we gfalingun emu.

Titu 2:6

Ay foyungi yangay sa sangay baguama, laman saful tua gfaragang at sadili.

Titu 2:9

Foyungi yangay sa sangay fagsuguan laman gfaning tua fia at ngay tagfayafun, ay gugatan gfauseganan anya, ay di kamabo.

Ebreu 10:25

Ay lag kalyam nu nangaful tam, kata tibak taw at fakamulun, nu bunway fataglayuni nu gfadfamatangan tam, kaugat wan katsi nasaful watam te, munakbang wan tam Fun at menit nu kadasug.

Ebreu 13:22

Ku ngay faduksay, maksvn nu glong au sa ayu te, dungugani fia masine ku foyungan sa ayu. Munagud way tuy ku rirukan sa ayu.

Ebreu 3:13

Nu katanya, kayu menit ay kaduge e buknga yay, masine nu gfadfamatangan am, laman diam e gadayan asalanan tagfae fakamaboun ayu.

1 Pedru 5:12

Gtoglag au Silas te, sik matuyan fag faduksay. Kanya at nagubuk angku nu griruk au sa ayu tuy fag rirukan at munagud, laman gfaksvn ay amatanganan ay gfatuyan ayu te, Dius at nafakamulun sa ayu gfalag te, kanya magalang tua. Banwani sat fagmagalangun.

Udas 1:20

Dewa katanya am, ku ngay fakesugun, maksvni tua sa ay mafanud fag fagafanudun. Darangini siginan at Masine fag Falad nu ggubuk ayu.