1 Kurintu 13:3 - Fanawbuid tagsibaliwas Fakayabian

³ Dewa ro au nafon fagayu ku ramraman, ay dewa ro au nafon wan ku bilug laman nangirug, nu dway ngap si angku fakesugun, we masuad sa angku.

1 Kurintu 13:3 ပူးပေါင်းရင်းမြစ်များ

Isayas 57:12

Nu glong am, masine ay matuyan ay ngay nafakamulun, ay dewa katanya namasaful au te, setain ay ugali, ay takatanya fagayu we tungkul sa ayu.

Eremyas 7:8

“ ‘Amatangani nu nataw ay nafakamulun! Nafanud am at yud e tungkul fag ngay longan.

Mateu 23:5

“Ay kafag ngay taw gfalagan way lang, laman ngay taw gdama anya. Kanya nafabia fagsuadan Dius at Longan sit alfuyu, ay nafaba at farangfangan sit fungfung lanbung.

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Lukas 18:28

Ay Pedru nalong te, “Ami, naubun wami fagayu em ngay ramraman laman nangalo ami emu.”

Lukas 19:8

Sakyu namalindug ay nalong sa tam Fun te, “Ku Fun, dungugani, gwabilug ban ku ramraman namon kwan sat yud e kwa. Ay fagayu ku nafandaya gina au gbul ngay taw at famayad, gfafoli kban ufatk kayu nya.”

Uan 12:43

aroro kanya fagayu kaylat taw nu gfauseganan anya abat ngate, Dius tagfauseganan.

Uan 13:37

Pedru ginto yangay te, “Ku Fun, wain katsi ku fagyudun manangalo emu? Mafalganan au kabul laman sa emu.”

Uan 15:13

We gtungud ya sik taw nu kesug, nu nafon wa at leleg sat ngay fagadgalangan.

Uan 6:63

At Masine fag Falad tagfon leleg, ay we taw mafafakamulun takatanya. Ku ngay foyungan ayu siginan at Masine fag Falad, ay kanya wan tagfon leleg.

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

Galasya 5:26

Lag tam kamatungudun, ay lag gfauri tam ngay iba, ay lag gfangalabian.

Filipus 2:3

Fagayu ay fakamulun lag gfaning ay sadili fakaylatun ay lag kamatungudun. Nu bunway famababauni tua, ay amatangani te, em iba amasine yap tua emi.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.