1 Kurintu 13:1 - Fanawbuid tagsibaliwas Fakayabian

¹ Dewa au saful fagayu taw ay anggan ngay tagbarita at fangaringang, dewa katanya, nu dway e si angku fakesugun, kata kway at meglis fag tingting ay kata sik udlung at awang yud e masuad.

1 Kurintu 13:1 ပူးပေါင်းရင်းမြစ်များ

Alubad. 150:5

Segi yangay anya siginan ngay fagfalangun fag ngay fagfawangun tagbia nu gawang.

Mateu 25:45

“Ay au, at Fun, gbalus au anya fagayu te, ‘Matuyan nu glong au ayu te, ay yud nafakamulun sat sadi ku faduksay at tiba daga, sa angku nu yud am gfakamulun.’

Markus 16:17

Ay fagayu ban tagafanud mafakamulun at madulo siginan ku fagmabalyananun, ay maiyan ban at mauri fag ngay falad ay maringang ban tibak fangaringang.

Ruma 14:15

Aroro siginan am naon fag fakonun, nu nafauri wayo am faduksay at amatanganan, am fakamulun takatanya bunwa fakesugun ya. Tam Fun Isus anbul laman sa anya, nu katanya, lag o gfauri am faduksay siginan sik fakonun.

1 Kurintu 12:10

Ay nafon sa tibak taw fagmakatuun gfakamulun at madulo, ay sa tibak taw fagmakatuun gfayamag Dius at longan. Ay nafon yangay sa tibak taw fagmakatuun laman gtoglag te, o tagsi anya fag falad siginan at Masine fag Falad ay o mannga siginan way at mauri fag falad. Ay nafon sa tibak taw fagmakatuun garingang sat fagyudun togdungug fag fangaringang, ay nafon sa tibak taw at fagmakatuun gfayamag kafag ngay fangaringang at masuad.

1 Kurintu 12:16

Ay talinga nu nalong te, “Bunwa au mata, nu katanya, bunwa au sik afud bilug,” bunwa at masuad te, kanya bunwa ya sik afud bilug.

1 Kurintu 12:8

At Masine fag Falad at nafon sa sik taw fagmakatuun gfoyung sabaliwas fagsafulun, ay at Masine fag Falad nafon sa sik taw fagmakatuun laman saful kayamag sa baliwa kafag fagsafulun.

1 Kurintu 13:8

Katabu way ban nu kamoyung Dius at longan, ay nu garingang sat yud katogdungug fag ngay fangaringang, ay anggan fagsafulun. Dewa katanya, fakesugun di ban e fakatabuan.

1 Kurintu 14:2

Sik taw tagsaful garingang sat yud katogdungug fag fangaringang, at fagfakamatoanun bunwa taw nu bunway Dius tua, aroro nusnga sinu wa togdungug at longan. Ay at Masine fag Falad ggubuk anya laman kanya glong nusnga setaw at madulo.

1 Kurintu 14:4

Tagaringang at yud katogdungug fag fangaringang, at fagfaksvnun at sadili way, ay dewa katanya, takamoyung Dius at longan, kanya gfaksvn tua ngay tagafanud.

1 Kurintu 14:5

Kaylat au fagayu am nu saful am garingang at yud katogdungug fag fangaringang. Ay maksvn nu kaylat au nu kamoyung am Dius at longan. Aroro takamoyung Dius at longan, amafanud yap tua tagaringang at yud katogdungug fag fangaringang, kanya nu dway gfayamag at longan at masuad, laman gfaksvn ngay tagafanud.

1 Kurintu 8:1

Katatuy ku famayamag nu saman baliwas fakonun at nafon sat yud matuyan fag ngay fagsegan. Nasaful watam te, fagayu tam e fagsafulun watam. Ay kafag fagsafulun gbuba antam sas fakamatungudunun, ay dewa katanya, fakesugun gfaksvn tam fagafanudun.

2 Kurintu. 12:4

Ay saful au te, andasug au sas Dius at fagbanwanan. Ay sanya e nadungug au, ay we taw mafayamag, ay we taw masine glong sanya baliwa.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

1 Timuteu 1:5

Ku foyungan at masuad te, laman kedkesugan tua tam siginan at masine fag amatanganan, ay siginan at matuyan fag fagafanudun.

1 Pedru 4:8

Tagtungud sas fagayu, fagayu am matuyani tua nu kedkesugan am, aroro fagkedkesuganun kanya wan tagfalyam ngayuk asalanan.

2 Pedru 2:18

Kafag ngay taw kamaseganamaun nu garingang, dewa katanya, we tungkul at foyungan. Ay kanya fagayu gfamatanganan sas fagfanugtugun laman gfaylatan gfafoli sas asalanan ngay taw at bagu yay kalfas siginan at yud matuyan fag ngay ugali.

At Nafasure 14:2

Ay nadungug au sik awang siginans banwa kata sik familugan nu gfawas, ay kata sik lingsi daul. Ku nadungug kata nu gfawang sik ngay fagfawangun ke ngay bakyang.