1 Kurintu 12:9 - Fanawbuid tagsibaliwas Fakayabian

⁹ Ay at Masine fag Falad nafon sa sik taw at maksvn fag fagafanudun, ay nafon sa tibak taw fagmabalyananun gfafia at ke ngay fakasaitun.

1 Kurintu 12:9 ပူးပေါင်းရင်းမြစ်များ

2 Kurintu. 4:13

Kata at rirukan te, “Nafoyung au aroro gafanud au.” Ay katanya yangay em fagafanudun. Ay gfoyung ami aroro gafanud ami.

Efesu 2:8

Siginan Dius at fagmagalangun anlangfe am aroro gafanud tuam. Ay kafag fakalangfean bunwa siginan ayu, nu bunway siginan tuas Dius at famonun,

1 Kurintu 13:2

Ay dewa ro au makatu gfasaful Dius at longan, ay dewa ro au saful gfayamag at masuksuk fag ngay longan, ay dewa ro au saful fagayu fagsafulun, ay dewa ro au mafafalin buksul siginan ku fagafanudun at kaksvnan, nu dway ngap si angku fakesugun, kwe tungkul.

Ebreu 11:33

Ay aroro kanya fagayu gafanud tua sas Dius, kanya fagayu nababo tua tibak talun at ngay fun, ay gfakamulun tua at masine, ay nagbilug tua Dius at ngay nafatuyanan. Ay kafag ngay taw nafafagvm tua ngay liun,

1 Kurintu 12:30

Bunwa fagayu taw tagfafia at ke ngay fakasaitun, ay bunwa fagayu tagsaful garingang at fagyudun togdungug fag ngay fangaringang, ay bunwa fagayu taw at mafayamag kafag ngay fangaringang.

1 Kurintu 12:28

Tam Dius nafili tibak taw sit furuan, taguna at ngay nasugu, fadua tagfasaful Dius at ngay longan, ay at fatulu, takamoyung. Ay nafili yangay ngay tagfakamulun at ngay madulo, ay tiba at ke fagmabalyananun gfafia at ke ngay fakasaitun, ay tiba taggubuk, ay tiba tagfangguna, ay tiba tagsaful garingang at fagyudun togdungug fag ngay fangaringang.

Markus 16:18

Ay kanya ban fagayu dewa nated sik ule, ay dewa nainum at maganga, di gaganga. Ay nu nafatayuk ban at daluap sa sangay ke fakasaitun, kafia.”

Fakamulun 5:15

Aroro siginan sangay nasugu at nafakamulun fag ngay madulo, ngay taw nabuba ke ngay fakasaitun sas day dalan ay nafataygilidan sit ngay igyan laman ro Pedru nu nadalan ay nu naninu, kanya fagayu kafia.

Lukas 10:9

Fafiai at ke fakasaitun sanya fag furuan, ay foyungi sa kafag ngay taw te, ‘Munakbang wan Dius nu gfagtainan ayu.’

Lukas 9:2

Ay Isus nasugu at labi dua laman namoyung sabaliwas Dius nu gfagtainan, ay nu gfafia at ke ngay fakasaitun.

Markus 6:13

Ay kanya naiyan ngayuk mauri fag falad ay nafafia ngay taw at ke fakasaitun siginan nu gfatayuk langis sa anya fagayu.

Mateu 21:21

Ay Isus nabalus anya te, “Matuyan nu glong au ayu te, nu gafanud tuam ay nu ddi am gawabilugan, mafafakamulun yangay am kata aro ku nafakamulun sa kafag kayu. Ay malong yangay am ste fag buksul te, ‘Alini, ay tosi sasad dagat,’ ay gfaning ay longan.

Mateu 10:8

Ay fafiai at ke ngay fakasaitun, ay falelegi at ngay kinbul, ay fafiai at ngay tagabangbang, ay anggan aiyani ngay mauri fag falad siginans taw. Fakamuluni takatanya ay lag am get famayad, aroro anke fagmabalyananun am yud e famayad.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.