1 Kurintu 11:7 - Fanawbuid tagsibaliwas Fakayabian

⁷ Ngay mangama wa masine gtabun at alfuyu aroro kanya wan Dius at aninu ay at fagusegananun. Ay sik mangena, kanya wan at mangama at fagusegananun.

1 Kurintu 11:7 ပူးပေါင်းရင်းမြစ်များ

Fakasigadan 3:16

Ay kanya nalong yangay sas mangena te, “Aroro nafakamulun o takatanya, gfamut kyay ban am fagidapun. Kaduge ban o gfafion gidapan o, kaugat wan gina o gfasalug. Dewa katanya, kaylat tua ban o gugat am mangama aroro sia wan tagfunan emu.”

Fakasigadan 5:1

Katatuy at rirukan sabaliwa Adan talanan. (Dius gina nangawat taw, nawat kata anya.

Fakasigadan 9:6

Ay nusnga sinu ban at nafabul at iba, at ngay iba yangay ban at namabul anya, aroro Dius nawat taw kata anya.

Alubad. 8:6

Ay namagbilug o sa sangay taw fagayu am ngay awatan:

Fangatulun 12:4

At matuyan fag bubay, maylat tua ay mauseganan sat indugan, dewa katanya, sik bubay at mapla, kata way sik fakasaitun sit indugan at bini.

1 Kurintu 11:3

Ay kaylat au nu nasaful am te, tam Fun Isus wan mangama at fun. Ay mangama, kanya wan mangena at fun, ay tam Dius wan tam Fun Isus at fun.

1 Kurintu 11:6

Ay sik mangena nu dway kaylat gtabun at alfuyu, faufoi wan at buk. Ay aroro mapla way sik mangena nu naufo at buk, masine kanya nu gtabun at alfuyu.

2 Kurintu. 8:23

Ay tam faduksay Titu ku faudgufudan ay ku taggubuk sa ku ngay fakamulun. Ay at nanangalo anya fag duak faduksay, ngay tagafanud sa sangay furuan at nafili, ay duama at fakamulun gfauseganan tam Fun Isus.

Santiagu 3:9

Siginan tam leplep glong tam at masine sa tam Fun. Ay sanya ginan yangay glong tam sabaliwa tam ngay iba te, “Dius faurii anya,” kanya dewa ankawat kata Dius.