1 Kurintu 11:4 - Fanawbuid tagsibaliwas Fakayabian

⁴ Fagayu mangama nu gdarangin ay nu gfasaful Dius at Longan nu gtabun way at alfuyu, kanya gfauri way at alfuyu, at masuad te, tam Fun Isus.

1 Kurintu 11:4 ပူးပေါင်းရင်းမြစ်များ

2 Samwel 15:30

Dabid gwayway gundaud sas buksul Ulibu, ay wa galapakan ya ay natabun at alfuyu laman gfalag te, kabalu. Ay anggan at ngay fadgaloan natabun yangay at ngay alfuyu ay gwayway.

2 Samwel 19:4

Dabid natabun at mata ay maksvn nu gwayway glong te, “Ku baguama Absalum, ku baguama Absalum!”

Mikas 7:6

Aroro ginanya ban, ngay baguama wa gsuyu ya at mama, ay at ngay baguina wa gfaning ya at mina, ay at ngay nugang mangena wa yangay gfaning ya at nugangina. Ay sik taw ban at fawayan, siginan wa at sadili talanan.

Fakamulun 13:1

Sis furuan Antiukya e ngay taglong ay e ngay takamoyung. At ngay ngayan: Bernabe, Simyun (at ngayan yangay te, At Malayung fag Taw), ay Lusyu fag taw Sirene, ay Manaen fun Erudes at fagsud, ay Saulu.

1 Kurintu 11:14

O nunda wam nasaful te, wa maugali sik mangama tagfaba at buk, ay takatanya mapla way?

1 Kurintu 11:5

Ay fagayu mangena nu gdarangin ay nu gfasaful Dius at Longan nu dway e fantabun at alfuyu kanya gfauri way at alfuyu, at masuad te, at mangama. Kanya kata way nu naufo at buk laman gfae fakaplaun anya.

1 Kurintu 12:10

Ay nafon sa tibak taw fagmakatuun gfakamulun at madulo, ay sa tibak taw fagmakatuun gfayamag Dius at longan. Ay nafon yangay sa tibak taw fagmakatuun laman gtoglag te, o tagsi anya fag falad siginan at Masine fag Falad ay o mannga siginan way at mauri fag falad. Ay nafon sa tibak taw fagmakatuun garingang sat fagyudun togdungug fag fangaringang, ay nafon sa tibak taw at fagmakatuun gfayamag kafag ngay fangaringang at masuad.

1 Kurintu 12:28

Tam Dius nafili tibak taw sit furuan, taguna at ngay nasugu, fadua tagfasaful Dius at ngay longan, ay at fatulu, takamoyung. Ay nafili yangay ngay tagfakamulun at ngay madulo, ay tiba at ke fagmabalyananun gfafia at ke ngay fakasaitun, ay tiba taggubuk, ay tiba tagfangguna, ay tiba tagsaful garingang at fagyudun togdungug fag ngay fangaringang.

1 Kurintu 13:2

Ay dewa ro au makatu gfasaful Dius at longan, ay dewa ro au saful gfayamag at masuksuk fag ngay longan, ay dewa ro au saful fagayu fagsafulun, ay dewa ro au mafafalin buksul siginan ku fagafanudun at kaksvnan, nu dway ngap si angku fakesugun, kwe tungkul.

1 Tesalunika 5:20

Lag am kauri nusnga setaw fag foyungan,