Ay kanya nalong yangay sas mangena te, “Aroro nafakamulun o takatanya, gfamut kyay ban am fagidapun. Kaduge ban o gfafion gidapan o, kaugat wan gina o gfasalug. Dewa katanya, kaylat tua ban o gugat am mangama aroro sia wan tagfunan emu.”
Nafoyung au sa ayu te, glo kwan, ay kafoli kyay ban sa ayu. Nu kesug tuam angku, guseganan tuam nangus nu glo au sa ku Mama, aroro ku Mama gtungud tua angku.
Tam Fun Isus wan fagayu tagafanud at alfuyu, ay at bilug ngay tagafanud wan. Kanya at fakasigadan ay taguna gleleg siginan at fagmabulanan, nu katanya, kanya wan tagbilug sas fagayu.
Takatanya fag taw wa gfaning tam Fun Isus, tam alfuyu, tagfon fagmatagluun sas fagdaul at bilug siginan at ngay afud nu gsugfunan ay at ngay lalid. Siginan takatanya umkaksvn tam kata Dius at fakaylatun.
Am fag ngay mangena, faningi tua ay mesa mangama. Ay nusnga sinu fag mangama at yud yay gfaning Dius at longan, kanya ban matabanan yangay sas fagafanudun, aroro siginan ay ugali at masine, deyud ro am nalong sa anya.