1 Kurintu 10:5 - Fanawbuid tagsibaliwas Fakayabian

⁵ Dewa katanya, Dius wa guseganan tangayu sanya fag ngay taw, nu katanya ngayu at kinbul sis talun at yud e taw.

1 Kurintu 10:5 ပူးပေါင်းရင်းမြစ်များ

Alubad. 106:26

Nu katanya, Dius glong te, “Gfabul kban ku ngay taw sis talun at yud e taw,

Alubad. 90:1

Em Fun, siginan ebi, o wan em fagsarigan.

Alubad. 95:11

Nu katanya, andotama au maksvn, ay nafatuyanan au te, “Kanya ban fagayu wa madasug sa ku fagnamonun fag daga, at fagfiangalayan.”

Esekyel 20:36

Nu nafaurianan kway ay ngay mangaguyang sis talun at yud e taw sis Igiptu, namaurianan kyangay ban ayu. Au, Fun Dius Yawi, taglong tuy.

Tap 14:22

wa ban e madasug sas talun ku nafatuyanan sam ngay mangaguyang. Kanya fagayu dewa nalag ku kamasinean ay fagayu ku nafakamulun at madulo sas talun Igiptu ay sas talun at yud e taw, kanya fagayu kamabo way gugat angku ay wa gfaning ku ngay suguan. Nu katanya, kafag ngay takamabo wa madasug sanya fag talun.

Deuterunumyu 2:14

Anfasludan takatanya gina anlangfe tuluk safulu e waluk banwa siginan nu glao tam siginans Kades-Barnea. Ginanya, kafag kasugfunanan ngay taw Israel at ngay tagfawayan anbul kata Yawi at longan.

Ebreu 3:17

Sinu Dius at fakadotamaun kaduge ufatk safuluk banwa? O nunda bunwa kafag ngay tagasalanan at kinbul sis talun at yud e taw?

Udas 1:5

Ay dewa am nasaful wan takatatuy, kaylat au gfamatang sa ayu sabaliwa ngay taw Israel. Tam Dius dewa nafalangfe anya fagayu siginans talun Igiptu, kanya nafaurianan at yud gafanud sa anya.