1 Kurintu 10:1 - Fanawbuid tagsibaliwas Fakayabian

¹ Ku ngay faduksay, kaylat au nu nasaful am at kinfasludan sa tam ngay mangaguyang tagalo Muisis. Kanya fagayu nalao sis daga linyabu ay nadife Dagat Maraska.

1 Kurintu 10:1 ပူးပေါင်းရင်းမြစ်များ

Nemyas 9:19

Dewa katanya, aroro kesug tuo anya fagayu, di o nafabayan gina sis talun at yud e taw, ay di o nafalyam kafag turuk linyabu tagfangguna anya fagayu gina swa menit, ay turuk afuy tagyamag sat ngaba dalan gina glao sad yabi.

Alubad. 105:39

Kaduge kanya fagayu glao swa menit, Dius gfae linyabu laman taglanbung, ay galay yabi gfae afuy laman at salung.

Alubad. 66:6

Sis Dagat Maraska, kanya nafalanggang kadaul sik dalan laman tam ngay mangaguyang e faglaoan. Nu katanya, masine nu gfauseganan tam anya.

Alubad. 78:53

Dius naufud tua at ngay taw, ay nafalubgub at ngay fawayan sas dagat, nu katanya, at ngay taw we fakalimuun ya.

Nu Galin 14:29

Dewa katanya, ngay taw Israel nalao sat matat fag daga sas wabilug dagat, ay mamam kata sik alad sit dua tigyangan.

Nu Galin 40:34

Sanya ginan, linyabu nasuklub Yawi at bale, ay Yawi at fagmasineun ankapnu sanya fag basad bale.

Tap 14:14

Nung o gfabul fagayu am ngay taw, ngay taw Igiptu gfasaful takatanya sa sangay taw Kanaan. Ay ngay taw Kanaan sumaful te, o wan Yawi tagalo ngay taw Israel ay namalag o am kamasinean sa anya fagayu siginan sik turuk linyabu gina menit ay nu siwas yabi siginan sik turuk afuy.

Tap 33:8

Ay siginans Pi-Akirut, nadife dagat ay nasas talun at yud e taw. Kanya fagayu nalao tuluk menit sas Etam fag talun at yud e taw ay anragang sis Mara.

Uan 4:20

Iste fag buksul em ngay mangaguyang nu gseg Dius, dewa katanya am fag ngay taw Udyu glong way am te, sa way langs Erusalem nu nanseg Dius.”

Ruma 1:13

Ku ngay faduksay, kaylat au gfasaful sa ayu te, ngayu ginan koma gasanyaun. Dewa katanya, dasug katsi e gsalag yay gugat angku. Kaylat au nantaban tibak taw si ayu laman gafanud yangay sas Isus, kata ku nafakamulun sa sangay Udyu fag ngay taw si tibak furuan.

Ruma 11:21

Dius ro nu nagatvng way at matuyan fag ngay sanga, kaugat wa ro ayu.

Ruma 4:11

Kanya nafae fakatoglagan sik famatuyan te, antap kata nu yud e asalanan siginan at fagafanudun gina yud yay e fakatoglagan. Nu katanya Abrayam wan fagayu tagafanud at mama, deyud e fakatoglagan, ay at kintap kata nu yud e asalanan siginans fagafanudun sas Dius.

1 Kurintu 12:1

Ku ngay faduksay, katsi kaylat au nu nyamag am fia sabaliwa at Masine fag Falad at ngay nafon.

1 Kurintu 14:38

Ay nusnga sinu fag taw nu dway gfaning takatanya, lag am gtoglag ya te, ay faduksay.

Galasya 3:29

Dakngani am wan tam Fun Isus at taw, am wan at matuyan fia Abrayam at ngay kasugfunanan at nangagbilug Dius at ngay nafatuyanan.

Deuterunumyu 1:33

Gina am glao, kanya nafangguna ayu, siginans afuy gina mayabi ay sik linyabu gina mamenit. Ay kanya narvbvy yay ay fagmafulan, ay nafoyung ayu ay dalan.

Ebreu 11:29

Aroro ngay taw Israel gafanud tua sas Dius, kanya fagayu andife tua sis Dagat Maraska, ay kanya fagayu glao kata nu sit matat fag daga. Ay gina tagfafalo fag ngay taw Igiptu gdife, kanya fag ngay tagfawayan ankapnut.

Uswe 4:23

Yawi ay Fun nafatat Liskung Urdan yakmay ami andife, kata at nafakamulun sis Dagat Maraska gina tam gdife.