1 Kurintu 1:9 - Fanawbuid tagsibaliwas Fakayabian

⁹ Matuyan tam Dius at nauro ayu laman masadi am sat Baguama, Isus tam Fun.

1 Kurintu 1:9 ပူးပေါင်းရင်းမြစ်များ

Alubad. 100:5

Yawi matuyan tua, ay kanya mafangesug kabavn, ay at fagmatuyanun ban di e fakatabuan sas fagayu kasugfunanan.

Isayas 11:5

Kanya mafalganan gugat gugali at matuyan ay at mafangesug, kata sik taw tagsulun at famutus at fagwan laman mafalganan namakamulun.

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Mateu 24:35

Banwa ay daga kalyam way ban, dewa katanya, ku longan ban sanya tua gugat kabavn.

Uan 17:21

Mama, nangus kanya fagayu masadi tua kata anta. Nu setain nu masadi o si angku ay nu masadi au si emu, katanya yangay nangus kanya fagayu nu masadi si anta, laman fagayu taw ste swa daga gafanud te, o wan at nasugu angku.

Ruma 11:17

Am at yud Udyu fag ngay taw kata wayam sik malyaman fag fun kayu at ngay sanga at kinsugfun sat matuyan fia fag fun kayu. Ay nafaungbus ayu sat kin-gatvng fag sanga at fakagatvngan. Nu katanya, ankaksvn am siginan kafag fun kayu at lalid.

Ruma 8:28

Ay nasaful tua tam te, Dius gfakamulun tua gugat nusnge wain at masine sas fagayu takesug anya, at masuad, sat nauro fag ngay taw gfaning at algan.

Ruma 8:30

Ay Dius nauro at ngay nafalganan. Ay kanya nafangayan at ngay nauro te, kata nu yud e asalanan. Ay kanya nafon at fagmasineun sa anya fagayu.

Ruma 9:24

Itam wan Dius at nauro fag ngay taw, bundi lang ngay taw Udyu, nu bunway anggan yangay at yud Udyu fag ngay taw.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

1 Kurintu 10:13

Ya batang e ndasug famaskud sa ayu, fagayu taw at yud nadalan fag famaskud. Matuyan tam Dius, di gfadasug sa ayu ay fagyudun makatu fag famaskud. Nu bunway kanya gfon ayu sik fagmabitsugun laman mababo tuam.

1 Kurintu 10:16

Ansadi tam sa tam Fun Isus at taguk nu nainum tam gina tam Fun at yafun, ay guseganan tam sas Dius. Ay ansadi yangay tam sat bilug nu naon tam kafag sadik tinapay.

2 Kurintu. 1:18

Duan. Aroro nu setain Dius nu matuyan, katanya yangay ku longan ayu, wami glong te, “Sabv” ay “Duan.”

Galasya 1:15

Dewa katanya, aroro siginan Dius at fagmagalangun, kanya nafili tua angku siginan yay nu yud au ansalug, ay nauro angku laman at fagsuguan.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Efesu 3:6

Katatuy Dius at algan at masuksukan: aroro ngay yud Udyu gafanud yangay sat Masine fag Barita, kanya fagayu mul yangay Dius at famonun kata ngay taw Udyu. Kafag duak gaban ansadi sa sik bilug, ay kanya fagayu mul Dius at fatuyanan fag famonun aroro siginan at fagmasadiun sa tam Fun Isus.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Deuterunumyu 7:9

Amatangani te, ay Dius Yawi sadi way. Kanya matuyan ay gfafasludan at ngay nasadian sa sangay kasugfunanan takesug anya ay tagfaning at ngay suguan.

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

2 Tesalunika 2:14

Katanya tam Dius at fagnauroun ayu siginan at Masine fag Barita em nafoyung ayu, laman e afud tuam sa tam Fun Isus at fagmasineun.

2 Tesalunika 3:3

Tam Fun matuyan. Kanya tagfaksvn ay tagdiri ayu siginan at mauri.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

2 Timuteu 2:13

Itam deyud tam matuyan, kanya matuyan tua kabavn, aroro kanya wa mafamuag sabaliwa at sadili.

Titu 1:2

Tuy fag fagsafulun ay fag fagafanudun tagfon antam fagsegun te, e leleg ban tam at yud e fakatabuan. Kanya fag leleg Dius at nafatuyanan gina yay yud e fagdaul daga, ay kanya di kamuag.

Ebreu 10:23

Faksvni tua tam fagsegun ay lag tam gawabilugan, aroro at nafatuyanan sa antam matuyan tua.

Ebreu 11:11

Aroro Abrayam gafanud tua sas Dius, kanya dewa mafufuama wan, ay Sara dewa garanas, anke sisian yay, aroro Abrayam gafanud tua te, Dius gfafasludan at fatuyanan.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

1 Uan 4:13

Dakngani Dius nafon tua sa antam at Falad, nasaful tua tam te, gbanwan tam sis Dius, ay kanya gbanwan yangay si antam.

At Nafasure 19:11

Ay sanya ginan nalag au banwa nu maluangan. Ay si ku salubangan sik kabayu malaksi. Ay tagsakay sanya at ngayan Mafanud ay Matuyan, aroro kanya matuyan nu ginsaful taw at asalanan ay nu gfawayan.