1 Krunika 9:1 - Fanawbuid tagsibaliwas Fakayabian

¹ Fagayu taw Israel anriruk sas fagrirukan ngay gaban, magamut sis fagrirukan sabaliwa ngay fun sis talun Israel. Ay ngay taw Uda natabanan sas talun Babilunya aroro kanya fagayu wa matuyan sas Dius.

1 Krunika 9:1 ပူးပေါင်းရင်းမြစ်များ

1 Fun 14:19

Ay tiba ya at kinfasludan kaduge Erubuam gfunan ay fagayu at nafakamulun anriruk sis fafil fagrirukan sabaliwas Israel at ngay fun.

2 Fun 24:14

Kanya nataban fagayu tagbanwan sis Erusalem, gadgaloan fagayu fun tagfawayan ay at ngay tagfawayan, anggan ngay tagsaful kawat at masine fag ngay fagagbilugun. Nu fagayu wan, safuluk libuk taw. At sawad, at yud way lang e kwa.

2 Fun 24:15

Fun Nabukudunusur nataban yangay Yuyakin sas Babilunya, gadgaloan at mina, ay at ngay bubay, ay at ngay fun sirut, ay at takadungug fag ngay taw sis Uda.

2 Fun 24:16

Fun Nabukudunusur nataban yangay fituk libuk tagfawayan at maseganama, ay sadik libuk tagsaful kawat at masine fag ngay fagagbilugun.

1 Krunika 8:40

Ulam at ngay baguama maseganama ay saful gfana. Kanya fagayu ngayu at sisian ay at fufu nu fagayu wan sadik sandan limak safulu. Kanya fagayu Benamin at kasugfunanan.

2 Krunika 33:11

Nu katanya, Yawi naylat Asirya at ngay tagfawayan nu gfawayan anya fagayu. Ay kanya fag ngay tagfawayan nataban Manase ay nafae sanggit at dungus ay nasiuk anya salambitan ay nataban sas Babilunya.

Esra 2:1

Kayu tuy ngay taw Israel tagsiginans talun Uda, fun Nabukudunusur at nataban sas talun Babilunya. Ay kanya fagayu nalo wan sanya ginan fag talun, ay anfoli sas Erusalem ay sat ngay mesa furuan sas talun Uda.

Esra 2:59

Ay e nfoli yangay sas Erusalem siginan sangay furuan Tel-Melak, Tel-Karsa, Kerub, Adun, ay Imer. Dewa katanya, wa mafatuyan te, sia fagayu sik ngay taw Israel.

Nemyas 11:1

Ginanya fag buknga, taw Israel at ngay tagfangguna gbanwan sis furuan Erusalem. Ngay taw nafafidfilian laman siginan galay safuluk talanan mesa sadik talanan, at namanwan sas Erusalem, ay at siam banwani way sit mesa furuan.

Nemyas 7:5

Nu katanya, ku Dius nafamatangan angku te, fafuli ngay tagfangguna, ay at ngay fun tagfawayan, ay tiba yak tagbanwan laman galay sik talanan anriruk tua. Ay sanya nalag au taguna at kinfoli fag ngay talanan siginan at fagatabananan. Kayu tuy at marirukan.

Nemyas 7:64

Aroro kanya fagayu wa nalag at ngay mangaguyang at ngay ngayan sis fagrirukan, nu katanya, ngay taw wa nafili anya fagayu laman sik ngay tagfon fanggalangun.

Isayas 3:2

at maseganama fag ngay taw ay at ngay tagfawayan, ay at ngay tagwabilug, ay at ngay taglong, ay at ngay taginsaful ay at ngay tagfangguna,

Eremyas 13:19

Naningding wan sis Negeb fag ngay furuan at ngay sakbawan. Ay we masakbo ya ay we maduksun ya sanya ginan. Ay e nantaban wan fagayu tagbanwan sis Uda.

Eremyas 39:9

Nebusaradan fag tagfangguna ngay tagulit, nafangguna laman gtaban ngay taw at kinsawad sis Erusalem, ay anggan at nafadiuganan anya fag ngay taw, natabanan wan sas talun Babilunya.

Daniel 1:2

Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.